ہفتہ واربنیادوں پرملک میں مہنگائی کی شرح میں 0.25 فیصد کی معمولی کمی رہی، سالانہ بنیادوں پر مہنگائی کی مجموعی شرح 26.25 فیصد ریکارڈ ہوئی۔ ایک ہفتے کے دوران 24 اشیاء کی قیمتوں میں اضافہ ہوا جبکہ 8 میں کمی ہوئی۔

ادارہ شماریات نے مہنگائی سے متعلق ہفتہ وار رپورٹ جاری کر دی جس کے مطابق ایک ہفتے میں 24 اشیاء ضروریہ کی قیمتوں میں اضافہ ہوا، رواں ہفتے 8اشیاء کی قیمتوں میں کمی،19 کے دام میں استحکام رہا۔

ادارہ شماریات کے مطابق ایک ہفتے میں ٹماٹر کی فی کلو قیمت میں 5 روپے اضافہ ہوا، رواں ہفتے لہسن فی کلو 21 روپے مہنگا ہوا، ایک ہفتے میں ڈبل روٹی 4 روپے فی کلو مہنگی ہوئی،  دال مسور 11 روپے فی کلو،دال مونگ 5 روپے مہنگی ہوئی۔

ادارہ شماریات کی ہفتہ وار رپورٹ میں بتایا گیا کہ رواں ہفتے دال ماش 7 روپے فی کلو مہنگی ہوئی، ایک ہفتے میں پیاز 2 روپے، آلو فی کلو 1 روپے مہنگے ہوئے، دودھ، دہی اور کوکنگ آئل کی قیمتوں میں بھی اضافہ ہوا، ایک ہفتے میں چینی فی کلو 16 روپے سستی ہوئی،

رپورٹ میں یہ بھی بتایا گیا کہ زندہ مرغی کی فی کلو قیمت میں 21 روپے کی کمی ہوئی، انڈے فی درجن 9 روپے،کیلے فی درجن 2 روپے سستے ہوئے اوردال چنا اور برینڈڈ کوکنگ آئل کی قیمتوں میں بھی معمولی کمی ہوئی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔