محکمہ تعلیم سندھ میں جعلی بھرتیوں کے معاملے پرسپریم کورٹ نے تحریری فیصلہ جاری کردیا۔

جسٹس محمد علی مظہر نے پانچ صفحات پر مشتمل تحریری فیصلہ جاری کردیا جس میں حکم دیا کہ چیف سیکرٹری سندھ دس دنوں میں انکوائری کمیٹی تشکیل دیں۔ کمیٹی میں ایڈیشنل سیکرٹری ایجوکیشن، ڈپٹی سیکرٹری لاء کو بھی شامل کیا جائے۔

عدالتِ عظمٰی نے تحریری فیصلے میں کہا کہ انکوائری کمیٹی 56 درخواست گزاروں کو نوٹسز جاری کرکے طلب کرے، انکوائری کمیٹی چھپن درخواست گزاروں کے تقرر کا عمل جانچے اور ذاتی شنوائی کا موقع دے، انکوائری کمیٹی چھپن درخواست گزاروں میں سے قواعد و ضوابط پر پورا اترنے والوں کا امتحان لے کر کامیاب ہونے والوں کو لیٹر جاری کرے۔

تحریری فیصلے میں کہا گیا کہ جعلی طریقے سے بھرتی ہونے والوں کے خلاف کارروائی کی جائے، انکوائری کمیٹی 90 روز میں انکوائری مکمل کرے، جو ملازمین بھرتی ہوکر کام کر چکے ہیں انکی تنخواہوں کا فیصلہ کمیٹی کرے، غیر قانونی بھرتیاں کرنے والوں کے خلاف بھی کارروائی کی جائے۔

سپریم کورٹ نے کہا کہ ملازمتوں سے فوائد اٹھانے والے اکیلے ذمہ دار نہیں ہیں، درخواست گزاروں کو آرٹیکل 10-اے کے تحت شفاف ٹرائل کا حق دیا جائے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔