ایف آئی اے کی بڑی کارروائی، لیبیاکشتی حادثےمیں ملوث انتہائی مطلوب انسانی اسمگلرگرفتار

خرم ملک

08th Sep, 2023. 02:37 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایف آئی اے کی بڑی کارروائی، لیبیاکشتی حادثےمیں ملوث انتہائی مطلوب انسانی اسمگلرگرفتار

ایف آئی اے گجرات سرکل نے بڑی کارروائی کرتے ہوئے لیبیا کشتی حادثے میں ملوث انتہائی مطلوب انسانی اسمگلرکو گرفتار کرلیا ہے۔

ایف آئی اے گجرات سرکل کے مطابق گرفتارملزم یونان کشتی حادثے کا مرکزی ملزم ہے۔ گرفتار ملزم کا نام انتہائی مطلوب انسانی سمگلرز کی ریڈ بک میں بھی شامل تھا۔

ملزم جاوید حسین ایف آئی اے گجرات سرکل کو 7 مقدمات میں مطلوب تھا۔ ملزم یونان کشتی حادثے کے بعد روپوش ہو گیا تھا۔ گرفتار ملزم لیبیا میں مقیم انتہائی مطلوب ملزم حمزہ سنیارے کا فرنٹ مین ہے۔

ایف آئی اے کے مطابق ملزم گجرات سے انسانی اسمگلنگ کے بین الاقوامی نیٹ ورک کو چلا رہا تھا۔ ملزم سادہ لوح شہریوں کو غیر قانونی طریقے سے لیبیا سے یورپ بھجوانے میں ملوث تھا۔ ملزم کی گرفتاری کے لیے متعدد بار چھاپے مار گئے۔

ترجمان کا کہنا ہے کہ ملزم کو جدید وسائل کو بروئے کار لاتے ہوئے گجرات سے گرفتار کیا گیا۔ ملزم کو گرفتار کر کے تفتیش کا آغاز کر دیا گیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں۔