فرانس نے افغان طالبان کی دھمکیوں سے خوف زدہ پانچ افغان خواتین کو اپنے ملک میں پناہ دے دی ہے جو آج فرانس پہنچیں گی۔

عرب میڈیا کی خبر کے مطابق فرانس نے افغان طالبان کی دھمکیوں سے خوف زدہ پانچ افغان خواتین کو آج اپنے ملک میں رہنے کے لیے پناہ دے دی ہے۔ جو پاکستان سے فرانس کے لیے روانہ ہو چکی ہیں۔

ان خواتین میں یونیورسٹی کے ایک سابق ڈائریکٹر، ایک سابق این جی او کنسلٹنٹ، ایک سابق ٹیلی ویژن پریزنٹر اور کابل کے ایک خفیہ اسکول کی ٹیچر شامل ہیں۔ ان میں سے ایک خاتون کے ساتھ تین بچے بھی تھے۔

واضح رہے کہ اگست 2021 میں اقتدار میں آنے کے بعد سے طالبان حکام نے اسلام قوانین نافذ کئے، اور خواتین کو شرعی پردے کا حکم دیا گیا۔

طالبان حکومت نے خواتین اور لڑکیوں کے ہائی اسکول اور یونیورسٹی جانے پر پابندی عائد کردی گئی ہے اور ساتھ ہی پارکوں، میلوں اور جمنازیم میں جانے پر بھی پابندی عائد کردی گئی ہے۔

لیسچی نے کہا کہ فرانس پہنچنے کے بعد انہیں پناہ گزینوں کے طور پر رجسٹر کیا جائے گا اور انہیں رہائش فراہم کی جائے گی جبکہ پناہ گزین کا درجہ حاصل کرنے کے لئے ان کی درخواستوں پر غور کیا جائے گا۔

ان خواتین نے ہمسایہ ملک پاکستان میں عارضی پناہ حاصل کر رکھی تھی۔ فرانسیسی امیگریشن اتھارٹی کے سربراہ ڈیڈیئر لیسچی نے کہا کہ وہاں سے فرانسیسی حکام نے ان کے انخلا کا انتظام کیا۔

طالبان نے خواتین کو اقوام متحدہ کی ایجنسیوں یا این جی اوز کے لیے کام کرنے سے روک دیا گیا ہے، ہزاروں خواتین کو سرکاری ملازمتوں سے برخاست کر دیا گیا ہے یا گھروں میں رہنے کے لیے پیسے دیے گئے ہیں۔

فرانسیسی امیگریشن اتھارٹی کے سربراہ ڈیڈیئر لیسچی کا کہنا ہے کہ صدارتی حکم نامے کے تحت ان خواتین پر خصوصی توجہ دی جا رہی ہے جنہیں بنیادی طور پر طالبان کی جانب سے خطرہ لاحق ہے کیونکہ وہ افغان معاشرے میں اہم عہدوں پر فائز رہ چکی ہیں۔ یا مغربی لوگوں کے ساتھ قریبی روابط رکھتے ہیں.

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں