امریکہ کی تین سب سے بڑی کار ساز کمپنیوں کے ملازمین نے غیر معمولی مربوط کارروائی کرتے ہوئے ہڑتال شروع کر دی ہے۔

برطانوی خبر رساں ادارے کی خبر کے مطابق امریکہ کی تین معروف کار ساز کمپنیوں کے 10 ہزار سے زائد کارکنوں نے نئے لیبر معاہدوں کی منظوری کے لیے ہڑتال شروع کر دی ہے۔

اس ہڑتال سے جنرل موٹرز (جی ایم)، فورڈ اور اسٹیلانٹس کے پلانٹس پر کام مکمل طورپر بند ہو گیا ہے۔

ماہرین نے خدشہ ظاہر کیا ہے کہ ملازمین کی جانب سے کام کی روک تھام سے گاڑیوں کی قیمتوں میں اضافے اور موٹر انڈسٹری کے ان بڑے اداروں کے لئے خطرہ ہے۔

واضح رہے کہ موجودہ معاہدے کی میعاد جمعرات کو ختم ہونے کے بعد یو اے ڈبلیو کے صدر شان فین نے برطانوی خبر رساں ادارے کو بتایا کہ اب یہ کمپنیوں پر منحصر ہے کہ وہ اس تنازعے کو حل کریں۔

شان فین نے کہا کہ اگر کمپنیاں کارکنوں کے مطالبات تسلیم کر لیتی ہیں تو یہ ہڑتال ختم کر دی جائے گی۔

ہڑتال کا آغاز کار ساز کمپنی جی ایم کے وینٹزویل، مسوری، درمیانے سائز کے ٹرک پلانٹ، مشی گن میں فورڈ کے برونکو پلانٹ اور اوہائیو کے شہر ٹولیڈو میں جیپ پلانٹ میں ہوا۔

یہ پلانٹس ڈیٹرائٹ تھری کی سب سے زیادہ منافع بخش گاڑیوں کی پیداوار کے لئے اہم ہیں۔

یو اے ڈبلیو کا کہنا ہے کہ تاریخ میں ایک ہی وقت میں تینوں کمپنیوں کے خلاف ہڑتال کی کوئی مثال نہیں ملتی۔

جمعرات کو ڈیڈ لائن قریب آنے کے ساتھ ہی وائٹ ہاؤس نے کہا ہے کہ صدر جو بائیڈن نے یو اے ڈبلیو کے صدر شان فین سے فون پر بات چیت کی ہے لیکن مزید تفصیلات فراہم نہیں کیں، جبکہ صدر جو بائیڈن جمعے کے روز اپنے خطاب میں اس اقدام سے خطاب کریں گے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں