واشنگٹن میں کیوبا کے سفارت خانے پر نامعلوم افراد کی جانب سے پیٹرول بم سے حملہ کیا گیا، واقعہ میں کوئی زخمی نہیں ہوا۔

امریکی جریدے کے مطابق واشنگٹن میں ایڈمز مورگن سیکشن میں قائم کیوبا کے سفارت خانے پر نامعلوم افراد نے دو عدد پیٹرول بم سے حملہ کیا۔ کیوبا کے وزیر خارجہ نے اس واقعے کو دہشت گردانہ حملہ قرار دیا۔

رپورٹ کے مطابق اطلاع ملتے ہی امریکی خفیہ ادارے کے افسران سفارت خانے پہنچ گئے تھے اور حملے کی تفتیش شروع کر دی ہے۔

کیوبا کے وزیر خارجہ برونو روڈریگیز پریلا نے سماجی رابطے کی ویب سائٹ ایکس پر لکھا کہ یہ ایک دہشت گردانہ حملہ ہے، انہوں نے لکھا کہ حملے میں سفارت خانے کا عملہ محفوظ ہے۔

واضح رہے کہ اپریل 2020 کے بعد سے واشنگٹن میں کیوبا کے سفارتی مشن پر یہ دوسرا پرتشدد حملہ ہے۔ اس سے قبل ایک شخص نے اسالٹ رائفل کا استعمال کرتے ہوئے سفارت خانے پر کئی گولیاں چلائیں تھی۔

کیوبا کی حکومت علیحدگی پسند مخالف گروہ کو اس حملے کا ماسٹر مائنڈ قرار دیتی ہے، جس کے بارے میں کیوبا نے بار بار امریکی حکومت سے ایکشن لینے کا مطالبہ کیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں