ایشیا کپ 2023 کے سپر فور مرحلے میں پاکستان اور بھارت کے درمیان ہونے والا میچ بارش کے باعث روک دیا گیا ہے۔

تفصیالت کے مطابق ایشیا کپ 2023 کے سپر فور مرحلے میں روایتی حریف پاکستان اور بھارت کے درمیان کولمبو میں ہونے والا میچ بارش کے باعث روک دیا گیا ہے۔

پاکستان کے کپتان بابر اعظم نے ٹاس جیت کر بھارت کو پہلے بیٹنگ کرنے کی دعوت دی تھی، بھات نے بارش سے قبل 24.1 اوورز میں 2 وکٹوں کے نقصان پر 147 رنز بنا لیے تھے۔

بھارت کی جانب سے کپتان روہت شرما اور شبمن گل نے اننگ کا آغاز کیا اور پاکستان کی پیس بیٹری کے خلاف جارحانہ انداز میں بیٹنگ کی، دونوں اوپنرز کے درمیان 121 رنز کی شراکت قائم ہوئی۔

کپتان روہت شرما 56 رنز اور شبمن گل 58 رنز بنا کر آؤٹ ہوئے، ویرات کوہلی 8 اور کے ایل راہول 17 رنز بنا کر کریز پر موجود ہیں۔

گرین شرٹس کے شاہین آفریدی اور شاداب خان نے ایک ایک وکٹ حاصل کی۔

واضح رہے کہ ایشین کرکٹ کونسل نے پاک بھارت ٹاکرے کو نتیجہ خیز بنانے کے لیے ایک اضافی دن بھی دیا ہے اگر آج میچ دوبارہ شروع نہیں ہوتا کل یہ میچ وہیں سے شروع ہوگا جہاں سے ختم ہوا تھا۔

پاکستان اسکواڈ

کپتان بابراعظم، فخر زمان، امام الحق، سلمان علی آغا، محمد رضوان، شاداب خان، فہیم اشرف، نسیم شاہ، شاہین شاہ آفریدی اور حارث رؤف شامل ہیں۔

بھارت کا اسکواڈ

کپتان روہت شرما، شبمن گِل، ویرات کوہلی، ایشان کشن، کے ایل راہول، ہاردک پانڈیا، رویندرا جڈیجا، شاردل ٹھاکر، کلدیپ یادیو، جسپریت بمراہ اور محمد سراج شامل ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں