لاہورہائی کورٹ نے یونان کشتی حادثے کی تحقیقات کے کیس میں وفاق اوردیگرفریقین کو نوٹس جاری کردیے۔

تفصیلات کے مطابق لاہورہائی کورٹ میں یونان کشتی حادثہ کی تحقیقات عدالتی کمیشن کےذریعے کرانے کی درخواست پر سماعت ہوئی۔

جسٹس عاصم حفیظ نے کیس کی سماعت کرتے ہوئے وفاقی حکومت اور دیگرفریقین کو نوٹس جاری کرتے ہوئے جواب طلب کرلیا۔

جوڈیشل ایکٹوازم پینل کےوکیل شبیراسماعیل نے دلائل دیے، کہا کہ یونان کشتی حادثہ کےحقائق منظرعام پر لانے کےلئے عدالتی کمیشن تشکیل دیاجائے۔ عدالتی کمیشن سپریم کورٹ کےتین ججز پر مشتمل ہونا ضروری ہے۔

وکیل درخواست گزار نے مؤقف اپنایا کہ آئین کےآرٹیکل 19اے کےتحت معلومات تک رسائی ہرشہری کابنیادی حق ہے۔ کشتی ڈوبنے کاحادثہ کیوں پیش آیا، وجوہات کیابنیں، ذمہ داروں کا تعین کیاجائے۔

درخواست گزار نے استدعا کی کہ ذمہ داروں کےتعین کےلئے کمیشن آف انکوائری ایکٹ کےتحت عدالتی کمیشن تشکیل دینے کے احکامات صادر کئے جائیں۔

لاہور ہائی کورٹ نے وفاقی حکومت اور دیگرفریقین کو نوٹس جاری کرتے ہوئے جواب طلب کرلیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔