ایف آئی اے انٹرپول اور امیگریشن نے سیالکوٹ ایئرپورٹ پر مشترکہ کارروائی کرتے ہوئے پنجاب پولیس کو مطلوب 2 اشتہاری ملزمان کو گرفتار کر لیا۔

ملزمان کے خلاف قتل کی دفعات کے تحت مقدمے درج تھے۔ ملزمان کی گرفتاری کے لئے ایف آئی اے انٹرپول نے ریڈ نوٹسسز جاری کیے تھے۔ انٹرپول کے ریڈ نوٹسسز کی بنیاد پر ملزمان کی گرفتاری عمل میں لائی گئی۔

گرفتار ملزمان میں حبیب الرحمان اور صہیب امجد شامل ہیں، ملزم حبیب الرحمان نے سعودی عرب فرار ہونے کی کوشش کی جبکہ  ملزم صہیب امجد کو دبئی سے پاکستان پہنچنے پر گرفتار کیا گیا۔

گرفتار ملزم حبیب الرحمان سیالکوٹ پولیس جبکہ ملزم صہیب امجد منڈی بہاؤالدین پولیس کو مطلوب تھا۔ ملزمان کی حوالگی انٹرپول اسلام آباد کی ایف آئی اے امیگریشن کے ساتھ قریبی رابطہ کاری کی وجہ سے ممکن ہوئی۔

بعد ازاں ایف آئی اے امیگریشن نے ملزمان کو متعلقہ پولیس حکام کے حوالے کر دیا۔ این سی بی انٹرپول پاکستان بیرون ملک فرار ہونے والے ملزمان کی گرفتاری کے لئے گراں قدر خدمات سرانجام دے رہا ہے۔

انتھائی مطلوب ملزمان کی گرفتاری اور بروقت حوالگی کے لیے این سی بی انٹرپول پاکستان ہمہ وقت کوشاں ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔