ایک اور بھارتی فوجی نے خودکشی کرلی

ویب ڈیسک

01st Sep, 2023. 07:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایک اور بھارتی فوجی نے خودکشی کرلی

بھارت میں نیم فوجی دستے سینٹرل ریزرو پولیس فورس کے ایک اور اہلکار نے خودکشی کرلی۔

کشمیر میڈیا سروس کے مطابق ریاست آسام کی فوجی بیس میں سینٹرل ریزرو پولیس فورس کے اہلکار نے اپنے کمرے میں چھت سے لٹک کر خودکشی کرلی۔ اہلکار کی شناخت بپن چندرا کے نام سے ہوئی جس کا تعلق سینٹرل ریزرو پولیس فورس کے 128 بٹالین سے تھا۔

خیال رہے کہ رواں ماہ پہلے ہی دو بھارتی فوج کے اہلکار خودکشی کرچکے ہیں جس میں سینٹرل ریزرو پولیس فورس کے 112 بٹالین کے پرنچل ناتھ بھی شامل تھے۔

رپورٹ میں بتایا گیا کہ ساتھی اہلکاروں نے خودکشی کرنے والے بپن چندرا کو قریبی ملٹری اسپتال منتقل کیا جہاں ڈاکٹرز نے بھارتی فوجی کی موت کی تصدیق کردی تاہم ان کے خودکشی کرنے کی اب تک کوئی وجہ سامنے نہ آسکی۔

پولیس کا کہنا ہے کہ بپن چندرا کے کمرے سے خودکشی نوٹ ملا اور نہ ایسی کوئی چیز سے ملی ہے جس سے خودکشی کی وجہ کا تعین کیا جا سکے۔ لاش کو ضروری کارروائی کے بعد آبائی گاؤں منتقل کردیا گیا۔

دوسری جانب سینٹرل ریزرو پولیس فورس کے ترجمان نے بتایا کہ واقعے کی تحقیقات کے لیے انکوائری کمیٹی تشکیل دیدی گئی۔