جوڈیشل کمپلکس اسلام آباد میں نیب ترمیم کالعدم ہونے پر نیب حکام کی جانب سے ریفرنسز کا ریکارڑ متعلقہ احتساب عدالت میں جمع کروانے کا سلسلہ جاری ہے۔

تفصیلات کے مطابق سابق وزیراعظم یوسف رضا گیلانی کے خلاف یونیورسل سروسز فنڈز میں کرپشن کا ریفرنس ریکارڈ احتساب عدالت نمبر 2 میں جمع کروایا گیا۔

سابق وزیراعظم راجہ پرویز اشرف کے خلاف رینٹل پاور پلانٹ ریفرنس کا ریکارڈ احتساب عدالت نمبر 3 میں جمع کروا دیا گیا۔ عبد علی نامی شہری کا ریفرنس ریکارڈ احتساب عدالت نمبر 1 میں جمع کروایا۔

عمران محسن نامی شہری کے خلاف ریفرنس کا ریکارڈ احتساب عدالت نمبر 2 میں جمع کروا دیا گیا، عدالتی عملہ کے جانب سے جمع کروائے گئے ریکارڈ کی جانچ پڑتال جاری ہے۔

ادھر فرزانہ راجہ اور دیگر کے خلاف بےنظیر انکم سپورٹ پروگرام میں 540ملین کی مبینہ خردبرد کا ریفرنس کا ریکارڈ بھی جمع کرایا گیا۔

تفتیشی افسر کی جانب سے فرزانہ راجہ کے خلاف دائر ریفرنس کا ریکارڈ احتساب عدالت نمبر 3 میں جمع کروایا گیا۔

آل پاکستان پراجیکٹ کے مالک آدم آمین چوہدری کے خلاف سرمایہ کاری کے نام پر عوام کو لوٹنے کا ریفرنس کا ریکارڈ تفتیشی افسر نے احتساب عدالت نمبر 3 میں جمع کروایا۔

سابق وزیر اعظم راجہ ہرویز اشرف کے خلاف نوڈیرو پاور پلانٹ ریفرنس کا ریکارڈ بھی احتساب عدالت نمبر 3 میں جمع کروا دیا گیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔