پرویزالٰہی کیخلاف اینٹی کرپشن میں درج مقدمے کی کاپی اورتفصیلات سامنے آگئی جس کے مطابق لاہورڈولپمینٹ اتھارٹی نے لاہور ڈویژن ماسٹر پلان 2050 کے نام سے پروجیکٹ لانچ کیا۔

ایف آئی آرکے متن کے مطابق مارچ 2021 میں بین الاقوامی کمپنی کو کنسلٹنٹ مقرر کیا، کمپنی نے رپورٹ دسمبر 2022 میں مکمل کر کے لاہور ڈویلپمینٹ اتھارٹی کو جمع کروائی۔ ماسٹر پلان کی رپورٹ سٹیج نمبر 5/6 کو نظر انداز کرتے ہوئے سرکاری منظوری دی گئی۔

ایف آئی آر متن میں کہا گیا کہ رپورٹ میں موضع کوٹلی رائے ابوبکر کا زکر موجود نہیں تھا، اس موضع میں پرویز الہٰی،مونس الہٰی،راسخ الہٰی کی خریدکردہ 300 ایکٹر زمین انکی کمپنیوں کی پہلے سے موجود تھی، پرویز الہٰی نے وزیراعلی پنجاب ہوتے ہوئے عہدے کا غلط استعمال کیا۔

ایف آئی آرکے متن میں کہا گیا کہ پرویزالہٰی نے ڈائریکٹر ایل ڈی اے عامر احمد خان سے ملکر پراجیکٹ میں تبدیلی کی، تبدیلی سے موضع رائے ابوبکر کو غیر قانونی طور پر منصوبے کا حصہ بنایا گیا، منصوبے میں تںدیلی سے کوٹلی رائے ابوبکر کی خرید کردہ زمین کی مالیت میں کئی سوگناہ اضافہ ہوا۔

ایف آئی آر متن کے مطابق پرویزالہٰی اور ڈی جی ایل ڈی اے نے جعل سازی کی اور سرکاری خزانے کو نقصان پہنچایا، مقدمے میں پرویزالہٰی، مونس الٰہی سمیت انکے خاندان کے کئی افراد شامل، مقدمے میں راسخ الہٰی، زاہرہ علی الہیٰ، قیصرا الہٰی اور ڈی جی ایل ڈی اے بھی شامل ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔