اقوام متحدہ کی جنرل اسمبلی کے اجلاس کے دوران ایرانی صدر کی تقریر کے دوران خلل ڈالنے پر اسرائیلی سفیر کو باہر نکال دیا گیا۔

تفصیلات کے مطابق امریکہ کے شہر نیویارک میں جاری اقوام متحدہ کے جنرل اسمبلی اجلاس کے دوران اسرائیلی سفیر نے ایرانی صدر کی تقریر کے دوران شور شرابا کیا جس پر انہیں اجلاس سے باہر نکال دیا گیا۔

عالمی خبر رساں ادارے کی خبر کے مطابق ایران کے صدر ابراہیم رئیسی جنرل اسمبلی سے خطاب کر رہے تھے کہ اچانک اسرائیل کے سفیر جلعاد اردان ان کی تقریر میں خلل ڈالنے کی کوشش کی۔

اسرائیل کے سفیر جلعاد اردان نے اپنی نشست پر کھڑے ہو کر بلند آواز میں شور شرابا کیا اور ایران مخالف پوسٹر لہرایا، جس پر اجلاس کے اراکین کی توجہ ان کی جانب مرکوز ہو گئی۔

اجلاس کے منتظمین نے صورتحال کی نزاکت کو سمجھتے ہوئے فوری طور پر سیکیوریٹی اہلکاروں کو طلب کر لیا جنہوں نے اسرائیلی سفیر کو اپنی حراست میں لے لیا اور انہیں فوری طور پر جنرل اسمبلی کے اجلاس سے باہر نکال دیا۔

اس دوران ایران کے صدر ابراہیم رئیسی نے اسرائیلی سفیر کے شور شرابے کو نظر انداز کرتے ہوئے اپنی تقریر کو جاری رکھا۔

سیکیوریٹی اہلکاروں کی اسرائیلی سفیر کو اجلاس سے باہر نکالنے کی ویڈیو سوشل میڈیا پر وائرل ہو گئی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں