بول نیٹ ورک اورٹیلوٹاک ڈیجیٹل ڈسٹری بیوشن نے مفاہمتی یادداشت پردستخط کردیے۔ معاہدے کا مقصد ناظرین تک حقائق کی بروقت فراہمی کو یقینی بنانا ہے۔ 

بول نیٹ ورک اورٹیلوٹاک ڈسٹری بیوشن کے درمیان ایم او یو پردستخط کی تقریب بول نیوز ہیڈ کوارٹرمیں منعقد ہوئی۔

تقریب میں چیئرمین بول نیٹ ورک سمیرچشتی نے خصوصی شرکت کی۔ انٹرٹینمنٹ ہیڈ شاہزیب روہیلہ، ٹیلوٹاک کے سی ای اوشہبازجاموٹ اورچیف آپریٹنگ آفیسرعدنان لوٹیا بھی تقریب میں شریک تھے۔

معیاری کونٹینٹ پہنچانے کی کوشش
بول اور ٹیلوٹاک ڈسٹری بیوشن کا اہم معاہدہ
چیئرمین بول کا خصوصی پیغام
براہ راست دیکھیں:https://t.co/kGi5LWBrA5#BOLNews #TelloTalk pic.twitter.com/3GP1VqDWTa

Advertisement

— BOL Network (@BOLNETWORK) October 27, 2023

اس پرمسرت موقع پرچیئرمین بول نیٹ ورک سمیرچشتی نے معاہدے کو اہم سنگِ میل قراردیتے ہوئے کہا کہ ہمارے ڈیجیٹل ٹولزکا کوئی مقابلہ نہیں۔ آج کی پارٹنرشپ جو ہم نے ٹیلوٹاک کے ساتھ سائن کی ہے اس سے ہم واپس نمبرون پوزیشن پرآجائیں گے۔ ہمارے جو ڈیجیٹل ٹولز ہیں وہ بے مثال ہیں، ان سے بہترٹولزکسی کے پاس نہیں ہیں۔

چیئرمین بول نے اپنے خصوصی پیغام میں امید ظاہرکی کہ اس اقدام سے بول کے ناظرین کی تعداد میں اضافہ ہوگا۔ بول نیٹ ورک اپنے ناظرین تک معیاری مواد پہنچانے کے لیے ہمیشہ سے کوشاں ہے۔ عوام کو حقائق کی بروقت فراہمی بول کا عزم ہے، بول نیٹ ورک اسی عزم کے ساتھ آگے بڑھتا رہے گا۔

ایم او یو پردستخط کی تقریب کے موقع پرانٹرٹینمنٹ ہیڈ شاہزیب روہیلہ کا کہنا تھا کہ اس اشتراک سے بول کے ناظرین کی تعداد میں کئی گنا اضافہ ہوگا۔

 ٹیلوٹاک کے سی ای اوشہبازجاموٹ اورچیف آپریٹنگ آفیسرعدنان لوٹیا نے بول کے ساتھ پارٹنرشپ پراظہار مسرت کرتے ہوئے کہا کہ ہم چاہتے ہیں کہ تمام مواد جو بول پردکھایا جارہا ہے اس کو زیادہ سے دنیا میں ڈسٹری بیوٹ کیا جائے، نئے ناظرین اس کو دیکھیں۔

اگرآپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔