نگراں وزیراعظم انوارالحق کاکڑ اور صدرمملکت ڈاکٹر عارف علوی نے یوم سیاہ کشمیر کے موقع پر اپنا پیغام جاری کیا ہے۔

تفصیلات کے مطابق نگراں وزیراعظم انوارالحق کاکڑ نے اپنے ایک پیغام میں کہا کہ جموں وکشمیر کے بڑےحصے پر بھارتی قبضےکو76سال بیت گئے، بھارت نے غیرقانونی حکمرانی کے لیے مختلف ہتھکنڈے آزمائے۔

 انوارالحق نے کہا کہ بھارت نے5اگست 2019سے مذموم مہم کا آغاز کر رکھا ہے جبکہ بھارت کشمیریوں کو اقلیت میں تبدیل کرنےکی سازش کررہا ہے۔

نگراں وزیراعظم انوارالحق کاکڑ نے مزید کہا کہ بھارت کشمیریوں کی جدوجہدکو دبانےمیں ناکام رہا، بھارت کواقوام متحدہ کی قراردادوں پرعمل کرنا ہوگا۔

علاوہ ازیں صدر مملکت ڈاکٹر عارف علوی نے یوم سیاہ کشمیر کے موقع پر اپنے ایک پیغام میں کہا کہ 27اکتوبر کشمیریوں کے لیےسیاہ ترین دنوں میں سےایک ہے، کشمیریوں کی جائز خواہشات کا گلا گھونٹا گیا۔

ڈاکٹر عارف علوی نےکہا کہ بھارت حق خودارادیت حاصل کرنے کے عزم کوکچلنےمیں ناکام رہا، جنوبی ایشیا میں امن و استحکام مسئلہ کشمیر کےحل پر منحصر ہے۔

صدر مملکت ڈاکٹر عارف علوی نے مزید کہا کہ کشمیریوں کی مثالی جرات کو خراجِ تحسین پیش کرتا ہوں ، عالمی برادری اور میڈیا کشمیریوں کی حالت ِزار کو اجاگر کرے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں