ترکیہ کے دارالحکومت انقرہ میں دھماکا

ویب ڈیسک

01st Oct, 2023. 01:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ترکیہ کے دارالحکومت انقرہ میں دھماکا

ترکیہ کے دارالحکومت انقرہ میں دھماکا ہوا ہے۔

غیر ملکی خبررساں ادارے کے مطابق انقرہ میں وزارت داخلہ دفتر کے باہر دھماکا ہوا اور فائرنگ کی آوازیں سنائی دیں۔ دھماکے کے نتیجے میں دو پولیس اہلکار زخمی ہوئے ہیں، جنہیں اسپتال منتقل کرکے طبی امداد دی جارہی ہے۔

رپورٹس کے مطابق دھماکے کے فوراً بعد پولیس کی بھاری نفری جائے وقوعہ پرپہنچ گئی ہے جب کہ ابتدائی اطلاعات کے مطابق 2 دہشت گردوں نے وزارت داخلہ کی عمارت کے باہردھماکا کیا، دونوں دہشت گرد گاڑی میں آئے تھے۔

ترکیہ حکام کا کہنا تھا کہ ایک دہشت گرد نےخود کوعمارت کے گیٹ پردھماکے سے اڑایا اور دوسرے دہشت گرد کو ہلاک کردیا گیا ہے۔

دوسری جانب ترجمان دفتر خارجہ ممتاز زہرا بلوچ نے ترکیہ میں دہشت گرد حملے کی مذمت کرتے ہوئے کہا کہ ہم اس گھناؤنے حملے میں زخمی ہونے والوں کی جلد اور مکمل صحت یابی کے لیے دعاگو ہیں، پاکستان دہشت گردی کی لعنت کے خلاف جنگ میں ترکیہ کے ساتھ کھڑا ہے۔