انگلش پریمیئر لیگ کی ٹیم لیور پول کے معروف فٹ بالر لوئس ڈیاز کے والدین کو کولمبیا میں اغوا کر لیا گیا ہے۔

عالمی خبر رساں ادارے کی خبر کے مطابق لیور پول ٹیم کے ونگر لوئس ڈیاز کے والدین کو کولمبیا میں نامعلوم افراد نے اغوا کر لیا ہے۔

کولمبیا کے صدر گستاوو پیٹرو نے کہا ہے کہ لیورپول کے کولمبیا کے ونگر لوئس ڈیاز کی والدہ کو اغوا کاروں سے بچا لیا گیا ہے لیکن ان کے والد کی تلاش جاری ہے۔

پیٹرو نے ہفتے کے روز ایکس پر پوسٹ کیا کہ ڈیاز کی والدہ کو ملک کے شمالی حصے میں بارانکس میں بچایا گیا ہے۔

کولمبیا کے اٹارنی جنرل کے دفتر نے کہا ہے کہ وہ اس معاملے پر شدت سے کام کر رہے ہیں۔

اٹارنی جنرل کے دفتر کے ترجمان کا کہنا ہے کہ لا گواجیرا کے بارانکس سیکٹر سے کولمبیا کے کھلاڑی لوئس ڈیاز کے والدین کو اغوا کیا گیا ہے۔

ترجمان کے مطابق پراسیکیوٹرز، پولیس اور فوجی اہلکاروں کی ایک خصوصی ٹیم اغواکاروں کے ٹھکانوں کا پتہ لگانے، حقائق کی وضاحت کرنے اور ذمہ داروں کو تلاش کرنے کے لیے کام کر رہی ہے۔

مقامی میڈیا رپورٹس میں بتایا گیا ہے کہ لوئس مینوئل ڈیاز اور سیلینس مارولانڈا لا گوجیرا کے علاقے میں ایک سروس اسٹیشن پر موجود تھے جب موٹر سائیکلوں پر سوار مسلح افراد انہیں لے گئے۔

پولیس کے ڈائریکٹر جنرل ولیم سلامانکا نے کہا کہ انہوں نے اس معاملے سے نمٹنے کے لیے علاقے میں انٹیلی جنس ایجنٹس اور دیگر پولیس محکموں کو تعینات کیا ہے۔

کولمبیا کے میڈیا سے باتیں کرتے ہوئے ڈائریکٹر جنرل ولیم سلامانکا نے کہ کہ پولیس پہلے ہی چیک پوسٹوں پر کام کرنے، موٹر سائیکلوں پر سوار لوگوں کی شناخت کر رہی ہے اور جلد ہی وہ اغوا کاروں تک پہنچ جائیں گے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں