طاقت کے بل بوتے پرکشمیری عوام کی آواز دبائی نہیں جا سکتی، آصف زرداری

ویب ڈیسک

27th Oct, 2023. 12:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

طاقت کے بل بوتے پرکشمیری عوام کی آواز دبائی نہیں جا سکتی، آصف زرداری

سابق صدر آصف زرداری نے کہا کہ طاقت کے بل بوتے پرکشمیری عوام کی آواز دبائی نہیں جا سکتی، مقبوضہ کشمیرآج دنیا کی سب سے بڑی جیل ہے۔

سابق صدرآصف علی زرداری نے یوم سیاہ کشمیرکے موقع پراپنے پیغام میں کہا کہ بھارتی قبضے سے آزادی مقبوضہ کشمیرکے عوام کا بنیادی اور جمہوری حق ہے، طاقت کے بل بوتے پرمقبوضہ کشمیر کےعوام کی آواز دبائی نہیں جا سکتی۔ بھارت دنیا میں دہشت گرد ملک کی حیثیت سے بے نقاب ہو چکا ہے۔

آصف علی زرداری نے کہا کہ مقبوضہ کشمیرآج دنیا کی سب سے بڑی جیل ہے۔ بھارت کے قبضے سے مقبوضہ کشمیر کی آزادی قائد عوام ذوالفقارعلی بھٹو شہید کا مشن تھا، محترمہ بینظیربھٹو شہید نے ہرعالمی فلور پر مقبوضہ کشمیر کے عوام کے آواز بلند کی۔

سابق صدر نے کہا کہ بلاول بھٹو زرداری نے عالمی سطح پر مودی کو قصاب اور بھارت کو دہشت گرد ملک کے طور پر متعارف کرایا، پاکستان پیپلزپارٹی کشمیریوں کے رائے شماری کا حق دلانے کے لیے آواز بلند کرتی رہے گی، وہ دن زیادہ دور نہیں جب مقبوضہ کشمیر بھارتی قبضے سے آزاد ہوگا۔

اگرآپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔