بابراعظم کو ’عظیم کھلاڑی‘ کہنے والوں پر محمد حفیظ برس پڑے

ویب ڈیسک

29th Oct, 2023. 04:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بابراعظم کو ’عظیم کھلاڑی‘ کہنے والوں پر محمد حفیظ برس پڑے

قومی ٹیم کے سابق کپتان محمد حفیظ نے بابراعظم کو ’عظیم کھلاڑی‘ کہنے والوں کو کھری کھری سنادی۔

نجی ٹی وی چینل پر گفتگو کرتے ہوئے پاکستان کرکٹ ٹیم کے سابق آل راؤنڈر محمد حفیظ نے کہا کہ کچھ لوگ کھلاڑیوں کو زبردستی کا ٹیگ دے کر انہیں بڑا بنادیتے ہیں جس کے نتیجے میں ان پر اضافی دباؤ آجاتا ہے اور وہ کارکردگی نہیں دکھاپاتے۔

قومی ٹیم کے کپتان بابراعظم سے متعلق بات کرتے ہوئے انہوں نے کہا کہ میں بابراعظم کو عظیم کھلاڑی نہیں سمجھتا،بلاشبہ بابراعظم ایک بہترین بلے باز ہے لیکن اسے “عظیم” کہنا قبل از وقت ہے، اسے ابھی یہ ثابت کرنا ہوگا کہ وہ عظیم کھلاڑی ہے۔

انہوں نے مزید کہا کہ بابراعظم کو ’عظیم کھلاڑی‘ کا اعزاز شاید اِن لوگوں نے دیا ہو جنہوں نے پاکستان اور عالمی سطح پر کھیل کے حقیقی عظیم کھلاڑیوں کو نہیں دیکھا۔

سابق کپتان نے بابراعظم کی قائدانہ صلاحیتوں پر تنقید کرتے ہوئے کہا کہ بطور کپتان 3 سالوں میں جو پختگی آنی چاہیے تھی وہ نہیں آئی، انہیں جارحانہ انداز اپنانے کی ضرورت ہے۔