محکمہ موسمیات کے مطابق آج ملک کے زیریں اور جنوبی علاقوں میں موسم خشک رہے گا۔ 

تفصیلات کے مطابق محکمہ موسمیارت کا کہنا ہے کہ اسلام آباد میں مطلع ابرآلودرہنے کا امکان ہے، اسلام آباد میں تیز ہواؤں اور گرج چمک کے ساتھ بارش کا امکان، کشمیر، گلگت بلتستان، بالائی خیبرپختونخوا میں تیزہواؤں کے ساتھ بارش کا امکان ہے۔

محکمہ موسمیات کے مطابق بالائی پنجاب اور خطہ پوٹھوہار میں مطلع ابرآلود اوربارش کا امکان ہے جبکہ آج زیا دہ سے زیادہ درجہ حرارت شہید بینظیرآباد،سبی میں 42 ڈگری سینٹی گریڈ ریکارڈ کیاگیا۔

دوسری جانب محکمہ موسمیات کا کہنا ہے کہ کراچی میں آج مطلع کہیں صاف کہیں جزوی ابرآلود رہنے کا امکان ہے۔ شہر قائد میں موسم آج گرم اور مرطوب رہے گا۔ شہر کا کم سے کم درجہ حرارت 27.9 ڈگری ریکارڑ کیا گیا۔ آج شہرکا زیادہ سے زیادہ پارہ 35 ڈگری تک رہنے کا امکان ہے۔

دن کے اوقات میں ہوا میں نمی کا تناسب 80 فیصد جبکہ شام میں 65 فیصد تک رہے گا، مغربی اور جنوب مغربی سمت سے 5 کلومیٹر فی گھنٹہ کی رفتارسے ہواؤں کا سلسلہ جاری ہے

سندھ کے بیشتر اضلاع میں موسم گرم اور خشک رہے گا جبکہ سکھر، خیر پور، شہید بینظیر آباد اور دادو میں پارہ 39 سے 41 ڈگری تک رہنے کی توقع ہے۔ جیکب آباد، لاڑکانہ سمیت دیگر علاقوں میں درجہ حرارت 38 سے 40 ڈگری تک رہنے کا امکان ہے۔

حیدرآباد ، میر پورخاص، مٹھی سمیت ملحقہ علاقوں میں پارہ 35 سے 37 ڈگری جبکہ ٹھٹھہ، بدین، سجاول میں درجہ حرارت 33 سے 34 ڈگری تک رہنے کا امکان ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔