اس واقعے کے بعد مشہور سیاحتی ریزورٹ میں فضائی حملے کے سائرن بج گئے اور رہائشیوں کو پناہ کے لیے بھاگنے پر مجبور کر دیا گیا۔

عالمی خبر رساں ادارے کے مطابق یمن کے حوثی باغیوں نے غزہ میں جاری جنگ کا بدلہ لینے کے لیے اسرائیل کے جنوبی شہر ایلات کی جانب ڈرون حملہ کرنے کا دعویٰ کیا ہے۔

اسرائیل نے منگل کی صبح بحیرہ احمر کے اوپر ایک نامعلوم “فضائی ہدف” کو تباہ کرنے کی اطلاع دی ہے۔

چند گھنٹوں بعد حوثیوں کے ایک سینئر عہدیدار نے خبر رساں ادارے اے ایف پی کو بتایا کہ ایران کے حمایت یافتہ یمنی گروپ نے جنوبی اسرائیل کی جانب ڈرون بھیجے تھے۔

حوثی حکومت کے وزیر اعظم عبد العزیز بن حبور نے کہا کہ ان ڈرونز کا تعلق یمن کی ریاست سے ہے۔

اسرائیلی فوج کا کہنا ہے کہ اس نے اسرائیل کی فضائی حدود کے باہر قریب آنے والے ایک فضائی ہدف کو مار گرایا ہے۔

اس واقعے کے بعد بحیرہ احمر کے مشہور سیاحتی مقام ایلات میں فضائی حملے کے سائرن بج گئے اور رہائشیوں کو پناہ کے لیے بھاگنے پر مجبور کر دیا گیا۔

فوج نے ایک بیان میں کہا ہے کہ ممکنہ طور پر ‘دشمن طیاروں کی دراندازی’ کی ابتدائی وارننگ کے بعد اس کے نظام نے اسرائیلی علاقے کی جانب آنے والے فضائی ہدف کی نشاندہی کی ہے۔

بیان میں مشتبہ ڈرون کی اصل کی تصدیق نہیں کی گئی لیکن مقامی میڈیا رپورٹس میں کہا گیا تھا کہ یہ شمالی یمن سے آیا ہو سکتا ہے، جسے حوثی ایران کی پشت پناہی سے چلا رہے ہیں۔

خبر رساں ادارے کی نامہ نگار سارہ خیرات نے مقبوضہ مشرقی یروشلم سے رپورٹنگ کرتے ہوئے کہا کہ یہ اسرائیل کے لیے تشویش کا باعث ہے کیونکہ وہ پہلے ہی اپنے شمالی محاذ پر ایران کی حمایت یافتہ حزب اللہ کے ساتھ تنازع میں مصروف ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں