آئی سی سی ورلڈکپ سے قبل تمام کرکٹ ٹیموں کے کپتانوں کی ایک کانفرنس ہوئی جس میں صحافیوں کی جانب سے تمام کپتانوں سے مختلف سوالات پوچھے گئے۔ اسی دوران ایک صحافی نے بھارتی کپتان سے سوال کیا تو انہوں نے بہت ہی ہلکی آواز میں گالی کے ساتھ صحافی کو برا بھلا کہا۔

بھارتی صحافی کی جانب سے انڈین ٹیم کے کپتان روہت شرما سے 2019 کے ورلڈکپ فائنل سے متعلق سوال پوچھا گیا جس میں دونوں ٹیموں کے درمیان میچ برابر ہوگیا تھا اور بعد ازاں سپر اوور میں بھی میچ کا نتیجہ نہیں نکلا جس کے بعد دونوں ٹیموں کی باؤنڈریز کا جائزہ لیا گیا اورانگلینڈ کو صرف اس لیے فاتح قرار دیا گیا کہ ان کی باؤنڈریز زیادہ تھیں۔

https://twitter.com/XheryA/status/1709631140020265138?ref_src=twsrc%5Etfw%7Ctwcamp%5Etweetembed%7Ctwterm%5E1709631140020265138%7Ctwgr%5E6f211435641318eca5e2031a6f030cdae86c7fd7%7Ctwcon%5Es1_&ref_url=https%3A%2F%2Furdu.geo.tv%2Flatest%2F343048-

صحافی نے سوال کیا کہ سپر اوور میں بھی میچ ٹائی ہونے کی صورت میں دونوں ٹیموں کو مشترکہ فاتح قرار دیا جاسکتا تھا، آپ اس پر کیا کہیں گے؟

صحافی کے سوال پر بھارتی کپتان روہت شرما غصے میں آ گئے، سوال پوچھنے والے کو گالی دے دی اور بولے کیا سوال ہے یار، میں کیا جواب دوں اس کا؟ روہت شرما کے انداز پر وہاں موجود قومی ٹیم کے کپتان بابراعظم سمیت تمام لوگ ہنس پڑے۔

اس موقع پر انگلینڈ کے کپتان جوز بٹلر جو بابر اعظم کے ساتھ بیٹھے تھے، انہوں نے سوالیہ انداز میں بابر کو دیکھا اور روہت کی بات کا مطلب دریافت کیا جس پر بابر اعظم نے ترجمہ کرکے روہت کی کہی گئی بات جوز بٹلر کو بتائی۔