سابق وزیراعظم نوازشریف کی وطن واپسی سے قبل سابق وزیراعلیٰ پنجاب حمزہ شہباز نے پارٹی رہنماؤں کے درمیان مختلف ناراضیاں ختم کرنے کاٹاسک سنبھال لیا۔ 

تفصیلات کے مطابق سابق وزیرِِاعلٰی پنجاب حمزہ شہبازشریف نے لاہورسے تعلق رکھنے والے تین سابق ارکان اسمبلی کے درمیان صلح کروا دی۔

ذرائع نے بتایا کہ قومی اسمبلی کے سابق رکن ملک ریاض، سابق صوبائی اسمبلی کےارکان اسمبلی غزالی سلیم بٹ اورسمیع اللہ خان کے درمیان صلح کرا ئی۔ حمزہ شہبازنے تینوں کوماڈل ٹائون سیکرٹریٹ بلایا اورگلے شکوے دورکروائے، سابق وزیراعلیٰ پنجاب کی مداخلت کے بعد تینوں رہنماشیروشکرہوگئے۔

حمزہ شہباز نے ناراضگیاں ختم کرنے کا ٹاسک سنبھال لیا
حمزہ نے لاہور کے 3 سابق ارکان اسمبلی میں صلح کرادی، ذرائع
براہ راست دیکھیں:https://t.co/kGi5LWBrA5#BOLNews #HamzaShehbaz pic.twitter.com/sWsGNFuGGW

Advertisement

— BOL Network (@BOLNETWORK) October 5, 2023

حمزہ شہباز نے ہدایت کی کہ پارٹی رہنما اورکارکن ایک فیملی کی طرح ہیں،ناراضی ختم کریں، پارٹی کیلئے تینوں رہنما اہم ہیں اختلافات پارٹی کیلئے نقصان دہ ہیں،

ذرائع کا کہنا ہے کہ حمزہ شہباز نے سابق ارکان سے گفتگو کرتے ہوئے کہا کہ پارٹی قائد نوازشریف وطن واپس آرہے ہیں ان کے استقبال کی بھرپورتیاری کریں۔

اس موقع پر ملک ریاض نے اعلان کی کہ غزالی سلیم بٹ اورسمیع اللہ خان میرے بھائی ہیں گھرآنے کی دعو ت دیتاہوں، چھوٹے موٹے اختلافات فیملی میں بھی ہوجاتے ہیں، مل کرپارٹی کیلئے کام کریں گے۔

ذرائع نے یہ بھی بتایا کہ غزالی سلیم بٹ اورسمیع اللہ خان نے بھی کھلے دل سے اختلافات ختم کردیے اورمل کرچلنے کاعزم کیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔