امریکی عدالت نے سابق صدر ڈونلڈ ٹرمپ پر سول فراڈ کیس میں دوسری مرتبہ خلاف ورزی پر 10 ہزار جرمانہ عائد کر دیا گیا۔

بین الاقوامی خبر رساں ادارے کی خبر کے مطابق سابق امریکی صدر ڈونلڈ ٹرمپ نے سول فراڈ کیس میں عدالتی احکامات کی دوسری مرتبہ خلاف کی جس کی وجہ سے ان پر 10 ہزار ڈالر جرمانہ عائد کر دیا گیا۔

امریکی عدالت کے سول فراڈ کیس میں گیگ آرڈر کی خلاف ورزی پر اس سے قبل ڈونلڈ ٹرمپ پر 5 ہزار ڈالر جرمانہ عائد کیا گیا تھا۔

رپورٹس کے مطابق نیویارک اسٹیٹ کی سپریم کورٹ میں مقدمے کے جج آرتھر ایف اینگورون نے ڈونلڈ ٹرمپ پر دوسری مرتبہ جرمانہ عائد کیا۔

ڈونلڈ ٹرمپ نے عدالتی احکامات کو نظر انداز کرتے ہوئے عدالت کے کلرک کی تصویر سوشل میڈیا پر شیئر کی تھی۔

اس تصویر کے حوالے سے صحافیوں کو بتایا تھا کہ یہ کلرک جج سے بھی زیادہ متعصب ہے۔

جرمانہ عائد کرنے قبل جج کے سامنے پیشی میں ڈونلڈ ٹرمپ نے کہا کہ میں نے آپ کو کچھ نہیں کہا البتہ کلرک موہن کو متعصب کہا تھا۔

جج اینگورون نے ڈونلڈ ٹرمپ کے موقف کو یکسر مسترد کر دیا اور ڈونلڈ ٹرمپ کو متنبہ کیا کہ دوبارہ اس قسم کی حرکت نہ کریں ورنہ یہ آپ کے حق میں بہتر نہیں ہو گا۔

واضح رہے کہ ڈونلڈ ٹرمپ نے 20 اکتوبر کو ٹرمپ نے عدالت کے کلرک کی تصویر سوشل میڈیا پر دی تھی جسے انہیں نے ہٹایا نہیں تھا جس پر جج اینگورون نے ڈونلڈ ٹرمپ پر 5 ہزار ڈالر جرمانہ عائد کیا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں