نگراں وزیرداخلہ سندھ کا کہنا ہے کہ غیرملکیوں کیلئےکل تک موقع ہے، یکم نومبرسےہم سخت ایکشن لیں گے۔

نگراں وزیرداخلہ سندھ بریگیڈیئر(ر) حارث نوازکا کہنا ہے کہ حکومت نےتمام غیرملکی غیرقانونی افرادکوایک ماہ کاوقت دیاتھا، سندھ میں ابھی تک مثبت رسپانس نہیں ہے، کراچی کےعلاقےحاجی کیمپ میں ہم نے بیس کیمپ بنایاہے۔

حارث نوازنے کہا ہےکہ بیس کیمپ میں تمام غیرقانونی غیرملکیوں کولے کرآئیں گے، ان کے پاس کل تک موقع ہے، یکم نومبرسے ہم سخت ایکشن لیں گے۔

نگراں وزیرداخلہ سندھ نے کہا کہ ہمارے پاس تمام لسٹیں ہیں کہ کس علاقے میں کتنے لوگ ہیں، ہماری پوری تیاری ہے کہ کس شہرمیں انہیں کہاں جمع کرنا ہے، تمام غیرقانونی مقیم غیرملکیوں کو عزت کے ساتھ واپس بھیجیں گے۔

حارث نوازنے کہا کہ یکم نومبرکے بعدان کی جائیداد، بینک اکاؤنٹس سب ضبط ہوجائیں گے، ان لوگوں کوچاہیے تھاکہ یکم نومبر سے پہلے اپنی پراپرٹی فروخت کردیتے۔

انھوں نے مذید کہا کہ پراپرٹی فروخت کرتےاس کا پیسے لیتے اورافغانی کرنسی اپنے ساتھ لے جاتے، ہم لسٹیں بنائیں گےکہ کس کی کیا چیز ہے اس پر حکومت کا قبضہ ہوگا۔

اگرآپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔