ترکیہ کے صدر رجب طیب اردوان نے اسرائیل کے مجوزہ دورے سے انکار کرتے ہوئے اسرائیل سے غزہ میں جنگ بندی کا مطالبہ کر دیا۔

عرب میڈیا کے مطابق ترکیہ کے صدر رجب طیب اردوان نے اسرائیلی اور فلسطینی افواج کے درمیان فوری جنگ بندی پر زور دیتے ہوئے کہا ہے کہ مسلم ممالک کو پائیدار امن کے لیے مل کر کام کرنا چاہیے اور عالمی طاقتوں پر زور دیا ہے کہ وہ اسرائیل پر حملے روکنے کے لیے دباؤ ڈالیں۔

پارلیمنٹ میں اپنی جماعت کے قانون سازوں سے خطاب کرتے ہوئے ترکیہ کے صدر رجب طیب اردوان نے کہا کہ رفاح بارڈر گیٹ کو انسانی امداد کے لیے کھلا رکھنا چاہیے اور قیدیوں کے تبادلے کو فوری طور پر مکمل کیا جانا چاہیے۔

صدر رجب طیب اردوان نے کہا کہ وہ غزہ میں حماس کے عسکریت پسندوں کے خلاف غیر انسانی جنگ کی وجہ سے اسرائیل کا دورہ کرنے کا منصوبہ منسوخ کر رہے ہیں۔

ترک صدر رجب طیب اردوان نے پارلیمان میں حکمراں جماعت کے قانون سازوں سے گفتگو کرتے ہوئے کہا کہ ہمارا اسرائیل جانے کا ایک منصوبہ تھا لیکن اسے منسوخ کر دیا گیا اب ہم اسرائیل نہیں جائیں گے۔

ترک صدر نے قانون سازوں کے سامنے ایک نقشہ بھی پیش کیا جس میں 1947 سے آج تک فلسطین کی زمین پر اسرائیل کے قبضے کی کہانی درج ہے۔

ترکیہ کے صدر نے مزید کہا کہ اسرائیل نے ترکی کے نیک ارادوں سے فائدہ اٹھایا ہے اور وہ پہلے کے منصوبے کے مطابق اسرائیل نہیں جائیں گے۔