نگراں وزیر داخلہ سندھ حارث نواز نے میڈیا سے گفتگو کرتے ہوئے کہا کہ پاکستان میں غیرقانونی مقیم افراد کو نکالیں گے۔

نگراں وزیر داخلہ سندھ بریگیڈئیر(ر) حارث نوازنے ڈی آئی جی ویسٹ کراچی کے دفتر کا دورہ کیا۔ ڈی آئی جی ویسٹ نے وزیر داخلہ کو زونل پولیس کی کارکردگی اور درپیش چیلنجر کے بارے میں بتایا۔

اس موقع پر میڈیا سے گفتگو کرتے ہوئے نگران وزیر داخلہ سندھ نے کہا کہ اس ایریا میں بہت قبضہ مافیا ہے، زمینوں پر قبضہ کسی صورت برداشت نہیں کریں گے۔ ریونیو ریکارڈ کو شکایت پر چیک کریں گےاس کے بعد دیکھیں گے اس پر قبضہ کس کا ہے، اس پر ہماری ایک ٹیم ہوگی۔ جس میں پولیس ، رینجرز اور ریونیو کے شامل ہوں گے۔

پاکستان میں غیر قانونی مقیم افراد کو نکالیں گے
نگراں وزیر داخلہ سندھ حارث نواز کی میڈیا سے گفتگو #BOLNews #Afghanrefugees pic.twitter.com/tfBQ2hrJmj

Advertisement

— BOL Network (@BOLNETWORK) October 9, 2023

نگران وزیر داخلہ حارث نوازنے کہا کہ جن کو پکڑیں گے ان سے دیکھیں گے کہ ان کے پاس کارڈ ہے، جو بھی افغانی رجسٹرڈ ہیں۔ ان کے لیے علیحدہ پالیسی ہوگی۔ اسٹریٹ کرائم کے لیے اقدامات کیے ہیں، ایک شخص لڑکیوں کو تنگ کررہا تھا۔ اس کے خلاف بھی کارروائی ہوئی۔ اسٹریٹ کرائم پر فرق پڑ رہا ہے۔

انھوں نے کہا کہ چیف الیکشن کمشنرنے حلقہ بندیاں فائنل کی ہیں۔ ہم نے بھر پور تیاری کی ہے، ہمارے آپریشن جاری رہیں گے۔  ڈی جی رینجرزاور ایم ڈی واٹر بورڈ نے فیصلہ کیا ہے۔ ہائیڈرنٹس کے خلاف کارروائی ہورہی ہے۔ میں کل ایم ڈی واٹر بورڈ کے پاس جاؤں گا۔ چند روزکی پریشانی ہے۔  جو بھی غیر قانونی پکڑا جائے گا، اس کو چمن بارڈرز سے کراس کرا دیں گے۔ بسوں کے ذریعے غیر قانونی تارکین وطن کو براستہ بلوچستان چمن بارڈرسے روانہ کریں گے۔

بریگیڈیئر(ر) حارث نواز نے کہا کہ میری نظر میں پاکستانی ٹیم کو بھارت نہیں جانا چاہیے تھا، اب جب ٹیم بھارت میں موجود ہے تو ٹیم کی سیکیورٹی بھارتی حکومت کی ذمہ داری ہے۔

انھوں نے مذید کہا کہ زمینوں پر قبضے کرنے والا چاہے کتنا بھی بڑا کیوں نہ ہو ایکشن کریں گے، ہر حال میں حکومت کی رٹ قائم کرنا ہمارا مقصد ہے، جان بوجھ کر پانی کا مصنوعی بحران پیدا کیا جارہا ہے، عوام  اور سوسائٹی کو ساتھ دینا پڑے گا جلد سب ٹھیک ہو جائے گا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔