یورپی یونین کو اس خبر نے پریشان کر دیا ہے کہ اس کے خطے میں موجود دنیا کے امیر ترین ملک کے بچے کرانے کے قاتل بننے لگے ہیں۔

عالمی خبر رساں اداے نے یہ خوفناک خبر سویڈن کی پولیس کے سربراہ کے حوالے سے بریک کی ہے جنہوں نے انکشاف کیا ہے کہ بچوں کی ایک بڑی تعداد جرائم پیشہ جتھوں سے رابطہ کر رہے ہیں اور انہیں اپنی خدمات بطور کرائے کے قاتل کے پیش کر رہے ہیں۔

عالمی خبر رساں ایجنسی کے مطابق ملک میں گزشتہ 24 گھنٹوں کے دوران تین افراد کی ہلاکت ہوئی، پولیس کے سربراہ نے ان واقعات کے بعد بیان دیا کہ پیشہ ور بڑی عمر کے افراد نہیں بلکہ بچے ہیں۔

عالمی خبر رساں ادارے کا کہنا ہے کہ حالیہ چند برسوں سے سویڈن میں اسلحہ اور منشیات کی غیر معمولی اسمگلنگ ہو رہی ہے اور اس غیر قانونی تجارت پر قبضے کے لیے چند گروہوں میں تصادم ہوتا رہتا ہے۔

رپورٹس کے مطابق عام طور پر سویڈن کے بڑے شہر پر سکون اور پر امن سمجھے جاتے ہیں اور گروہوں کے درمیان تصادم پسماندہ اور دیہاتوں تک محدود تھا، لیکن اب ان کی لڑائی بڑے شہروں تک پھیل گئی ہے۔

سویڈن پولیس کے سربراہ اینڈرس تھورنبرگ نے میڈیا کو بتایا کہ اب بڑے شہروں میں صورتحال خراب ہو چکی ہے، عوامی مقامات اور رہائشی گھر بھی گروہوں کے درمیان لڑائی کے دوران دھماکوں سے لرز اٹھتے ہیں۔

اینڈرس تھورنبرگ نے کہا کہ پریشان کن امر یہ ہے کہ اب کم عمر بچے جرائم پیشہ افراد کے سامنے خود کو بطور پیشہ ور قاتل کے طور پر پیش کر رہے ہیں۔

اینڈرس تھورنبرگ کا کہنا تھا یہ کم عمر بچے گینگ کے لوگوں سے رابطہ کرتے ہیں، بعض موقع پر جرائم پیشہ افراد خود ان سے رابطہ کرتے ہیں اور رضامندی پر انہیں ہتھیار فراہم کرتے ہیں۔

گروہوں کی لڑائی میں استعمال ہونے والے یہ بچے ایڈونچر کے شوق میں قتل کو کوئی بڑا جرم نہیں سمجھتے، اور گروہوں کے تصادم میں یہی بچے سب سے زیادہ نشانہ بنتے ہیں۔

سینئر پولیس افسر میٹس لنڈسٹروم کے مطابق رواں برس ماہ اگست میں 18 سال سے کم عمر 69 بچوں کو حراست میں لیا گیا جو سب کے سب کرائے کے قاتل تھے۔

سویڈن کے وزیراعظم الف کرسٹرسن نے ٹیلی ویژن پر قوم سے خطاب میں ان کم عمر اجرتی قاتلوں کے حوالے سے بات کی اور کہا کہ ہم بہت جلد فوج کی مدد سے ان جرائم پیشہ افراد کا قلع قمع کر دیں گے جو ہماری نوجوان نسل کے ہاتھوں میں آتشی اسلحہ تھما رہے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں