فیفا ورلڈ کپ 2034 کی میزبانی کے لیے آج درخواستیں جمع کرانے کا آخری دن تھا جس میں صرف سعودی عرب نے ہی درخواست جمع کرائی۔

عالمی خبر رساں ادارے کی خبر کے مطابق آسٹریلیا کی ورلڈ کپ کی میزبانی سے دستبرداری کے بعد سعودی عرب واحد ملک ہے جس نے 2034 فیفا ورلڈ کپ کی میزبانی کے لیے درخواست جمع کرائی ہے۔

2034 کے ورلڈ کپ کی میزبانی کے لیے سعودی عرب کی کوششیں آسٹریلیا کے باہر ہونے کے بعد بلا مقابلہ ہوں گی۔

آسٹریلوی فٹ بال فیڈریشن کی جانب سے بولی کے مقابلے میں شرکت سے انکار کے بعد سعودی عرب میں 2034 کے فیفا ورلڈ کپ کی میزبانی یقینی ہے۔

فیفا نے ٹورنامنٹ کی میزبانی کے لیے بولی جمع کرانے کے لیے منگل کی ڈیڈ لائن مقرر کی تھی لیکن آسٹریلیا کی جانب سے ٹورنامنٹ سے دستبرداری کے فیصلے کے بعد سعودی عرب واحد امیدوار بن گیا ہے۔

فٹبال آسٹریلیا (ایف اے) نے ایک بیان میں کہا کہ ہم نے فیفا ورلڈ کپ کی میزبانی کے لیے بولی لگانے کے موقع کی تلاش کی ہے اور تمام عوامل کو مدنظر رکھتے ہوئے ہم 2034 کے مقابلوں کے لیے ایسا نہ کرنے کے نتیجے پر پہنچے ہیں۔

فیفا کو اب سعودی عرب کو میزبان کی حیثیت سے مہر لگانے کی ضرورت ہے لیکن یہ فیصلہ ممکنہ طور پر اگلے سال کیا جائے گا جو ایک رسمی کارروائی ہو گا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں