تھالی لینڈ میں وسطی بنکاک میں مشہور شاپنگ کمپلیکس میں فائرنگ سے 3 افراد ہلاک ہو گئے ہیں۔

غیرملکی خبر رساں ادارے کی خبر کے مطابق تھائی لینڈ کی پولیس کا کہنا ہے دارالحکومت بنکاک کے ایک شاپنگ سینٹر میں فائرنگ سے 3 افراد ہلاک ہو گئے ہیں جبکہ ایک نوعمر مشتبہ مسلح شخص کو گرفتار کر لیا ہے۔

مشہور شاپنگ کمپلیکس میں فائرنگ کی آوازسنے کے بعد لوگوں کو بھاگتے ہوئے دیکھا گیا ہے۔

میٹروپولیٹن پولیس کے تفتیشی محکمے نے اپنے فیس بک پیج پر بتایا کہ ایک 14 سالہ مشتبہ مسلح شخص کو گرفتار کر لیا گیا ہے اور سیام پیراگون مال میں ہونے والے واقعے کے بارے میں پوچھ گچھ کی جا رہی ہے۔

ایمرجنسی سروسز نے ایک تصویر شیئر کی ہے جس میں ایک پولیس افسر فرش پر لیٹے ہوئے ایک شخص کو پکڑ رہا ہے اور اسے ہتھکڑیاں لگا رہا ہے۔

اس سے قبل سی آئی بی نے اپنے فیس بک پیج پر ایک شخص کی تصویر پوسٹ کی تھی جس کے بارے میں ان کا کہنا تھا کہ وہ بندوق بردار تھا، جس نے خاکی کارگو پتلون اور بیس بال ٹوپی پہنرکھی تھی۔

سوشل میڈیا پر غیر مصدقہ ویڈیوز میں افراتفری کے مناظر دکھائے گئے، بچوں سمیت لوگ مال کے دروازوں سے باہر بھاگ رہے تھے جبکہ سیکیورٹی گارڈز نے انہیں باہر نکالا۔

رپورٹس کے مطابق فائرنگ کی وجہ سے لوگ ایک ریستوراں کے اندر ایک اندھیرے کمرے میں چھپے ہوئے تھے جبکہ موسلا دھار بارش میں مال کے باہر ٹریفک کی لمبی قطاریں لگ گئی تھیں۔

چینی سیاح لیو شیئنگ نے خبر رساں ادارے کو بتایا کہ انہوں نے لوگوں کو بھاگتے ہوئے دیکھا اور کہا کہ کسی نے فائرنگ کر دی ہے۔ انہوں نے بتایا کہ انہوں نے گولیوں کی آوازیں سنی اور الارم بجنے کی آواز سنی اور مال کی لائٹس بند ہو گئیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں