بھارت میں بی جے پی کی حکومت پر تنقید کرنے والی ایک نیوز ویب سائٹ پر مبینہ چینی فنڈنگ کے الزام میں پولیس نے چھاپہ مارا ہے۔

برطانوی خبر رساں ادارے کے مطابق بھارتی دارالحکومت دہلی میں پولیس نے ایک نیوز ویب سائٹ کی فنڈنگ سے متعلق تحقیقات کے سلسلے میں متعدد معروف صحافیوں اور مصنفین کے گھروں پر چھاپے مارے ہیں۔

پولیس نے منگل کی صبح چھاپہ مارنے والوں کے موبائل فون اور لیپ ٹاپ ضبط کر لئے ہیں۔

حکام مبینہ طور پر ان الزامات کی تحقیقات کر رہے ہیں کہ نیوز ویب سائٹ کو چین سے غیر قانونی فنڈز ملے تھے ۔

ناقدین کا کہنا ہے کہ یہ اقدام پریس کی آزادی پر دانستہ حملہ ہے۔

2009 میں شروع ہونے والی یہ نیوز ویب سائٹ ایک آزاد نیوز اور کرنٹ افیئرز ویب سائٹ ہے جو حکومت پر تنقید کرنے کے لئے جانی جاتی ہے۔

2021 میں ٹیکس حکام نے بھارت کے براہ راست غیر ملکی سرمایہ کاری کے قوانین کو توڑنے کے الزامات پر اس پر چھاپہ مارا تھا۔

منگل کے روز 30 مقامات پر مربوط چھاپے حالیہ برسوں میں ہندوستانی میڈیا پر سب سے بڑے اور وسیع پیمانے پر چھاپے ہیں۔

حزب اختلاف کے رہنماؤں نے اسے بھارتیہ جنتا پارٹی (بی جے پی) حکومت کا میڈیا پر تازہ حملہ قرار دیا ہے۔

لیکن وزیر اطلاعات و نشریات انوراگ ٹھاکر نے حکومت کے کسی بھی ملوث ہونے سے انکار کرتے ہوئے کہا ہے کہ جانچ ایجنسیاں صرف اپنا کام کر رہی ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں