یوکرین کا کہنا ہے کہ خارکیف پر روس نے میزائلوں سے حملہ کیا ہے جس کے نتیجے میں 6 افراد ہلاک ہو گئے ہیں۔

عرب میڈیا کے مطابق یوکرین کے جنگ زدہ شمال مشرقی شہر خرکیف میں ایک ڈاک تقسیم مرکز پر روسی میزائل حملے میں چھ افراد ہلاک اور کم از کم 14 زخمی ہو گئے ہیں۔

ٹیلی گرام میسجنگ ایپ پر یوکرین کے صدر ولادیمیر زیلنسکی نے کہا کہ روسی میزائلوں نے نووا پوشٹا مرکز کو نشانہ بنایا۔

صدر ولادیمیر زیلنسکی نے ایک ویڈیو پوسٹ کی جس میں دیکھا جا سکتا ہے کہ عمارت کی کھڑکیاں پھٹی ہوئی ہیں اور تعمیراتی سامان بکھرا ہوا ہے اور اس کے سامنے یوکرینی زبان میں نووا پوشتا لکھا ہوا ہے جس کے معنی سرخ ٹرک کے ہیں۔

خارکیف کے وسیع تر علاقے کے گورنر اولیہ سینی ہوبوف نے کہا کہ زخمیوں میں سے کئی کی حالت تشویشناک ہے اور انہیں اسپتال میں داخل کرایا گیا ہے۔

گورنر سینی ہوبوف نے ٹیلی گرام پر بتایا کہ ہلاک اور زخمی ہونے والے افراد ڈاک مرکز کے ملازمین تھے۔ پولیس کا کہنا ہے کہ ملازمین کے پاس پناہ گاہ کی طرف بھاگنے کا وقت نہیں تھا کیونکہ سائرن میزائل ٹکرانے سے چند سیکنڈ پہلے ہی بجا تھا۔

عالمی خبر رساں ادارہ آزادانہ طور پر روسی حملے کی تصدیق نہیں کر سکا جبکہ روس کی جانب سے فوری طور پر کوئی تبصرہ نہیں کیا گیا۔

دونوں فریق فروری 2022 میں روس کی جانب سے اپنے ہمسایہ ملک کے خلاف شروع کی گئی جنگ میں شہریوں کو نشانہ بنانے سے انکار کرتے ہیں۔

واضح رہے کہ یوکرین کا دوسرا سب سے بڑا شہر خارکیف روس کے مکمل حملے کے ابتدائی دنوں میں ہی تباہ ہو گیا تھا، روس کی جانب سے مسلسل حملے کے بعد خارکیف سے بڑی تعداد میں شہری محفوظ مقامات پر منتقل ہو گئے تھے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں