لاس اینجلس میں فلسطینیوں کے حق میں احتجاجی مظاہرہ کیا گیا جس میں مظاہرین نے اسرائیل سے غزہ کا محاصرہ ختم کرنے کا مطالبہ کیا۔

عرب میڈیا کے مطابق لاس اینجلس میں ہزاروں امریکیوں اور تارکین وطن نے فلسطین کی حمایت میں احتجاج کیا اور اسرائیلی قبضے اور غزہ میں جاری محاصرے کے فوری خاتمے کا مطالبہ کیا۔

غزہ میں اسرائیلی فوج کی جانب سے حماس کے خلاف جوابی کارروائی کے بعد سے اب تک پانچ ہزار سے زائد فلسطینی ہلاک ہو چکے ہیں۔

مظاہرین کا کہنا تھا کہ وہ اس بات کو اجاگر کرنا چاہتے ہیں کہ کس طرح اسرائیلی افواج غزہ میں 20 لاکھ افراد کو پانی اور بجلی سمیت بنیادی ضروریات سے محروم کر رہی ہیں۔

مظاہرین نے امریکی حکومت کو بھی سخت تنقید کا نشانہ بنایا جو غزہ میں انسانی اور طبی امداد کو روکنے کی کوشش کر رہی ہے۔

مظاہرے میں شامل ایک شخص کا کہنا تھا کہ امریکہ ان تمام ممالک میں کیا کر رہا ہے میں یہ بات سن سن کر تھک چکا ہوں کہ ہم اپنے ٹیکس سے کیا فنڈنگ کر رہے ہیں، میں معصوم بچوں کو قتل ہوتے دیکھ کر تھک گیا ہوں.

غزہ کے علاقے بیت حنون سے تعلق رکھنے والی عبیر الزویدی نے کہا کہ انہوں نے اپنے اہل خانہ کی مدد کے لیے احتجاج میں شرکت کی اور کہا کہ میں نے غزہ کے خلاف جنگ کے پہلے تین دنوں میں اپنے خاندان کے سات افراد کو کھو دیا ہے۔

مظاہرین میں عرب نژاد افراد کے ساتھ ساتھ مختلف پس منظر سے تعلق رکھنے والے امریکی بھی شامل تھے جنہوں نے موجودہ بحران پر گہری تشویش کا اظہار کیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں