سعودی عرب کے شہر ریاض میں مشرق وسطیٰ کی پہلی سائبر سیکیورٹی نمائش کا انمقاد کیا گیا۔

عرب میڈیا کے مطابق سعودی سرکاری نیوز ایجنسی نے خبر دی ہے کہ وزارت اطلاعات نے حال ہی میں ریاض میں وزارت کے ہیڈ کوارٹر میں نیشنل سائبر سیکیورٹی اتھارٹی کے زیر اہتمام ایک سفری سائبر سیکیورٹی آگاہی نمائش کی میزبانی کی۔

اس تقریب کا مقصد قومی سلامتی کے تحفظ، سائبر سیکورٹی کے بارے میں شعور اجاگر کرنے اور ایک مضبوط سائبر کلچر کی تعمیر کی اقدار کو بڑھانا تھا۔

اتھارٹی کی جانب سے متعدد سرکاری اداروں کے تعاون سے منعقد کی جانے والی یہ نمائش ہر سال اکتوبر میں منعقد ہونے والے بین الاقوامی سائبر سکیورٹی آگاہی ماہ کی سرگرمیوں کا حصہ ہے۔

یہ ایونٹ قومی سطح پر سائبر سیکورٹی کی اہمیت کی عکاسی کرتا ہے اور ایسے طرز عمل پر روشنی ڈالتا ہے جو سائبر خطرات کے خلاف تحفظ میں کردار ادا کرتے ہیں، اور افراد اور تنظیموں پر سائبر حملوں کا براہ راست نمونہ فراہم کرتے ہیں.

اس نمائش کا مقصد سائبر سیکورٹی آگاہی کی سطح کا جائزہ لینا اور انٹرایکٹو طریقوں کا استعمال کرتے ہوئے محفوظ طریقوں کی وضاحت کرنا ہے۔

نمائش کے منتظمین کا کہنا ہے کہ یہ ڈیجیٹل ماحول سے وابستہ خطرات کو کم کرنے کے لئے کام کی جگہ میں بہترین طریقوں کے مطابق مشاورت اور عام سفارشات پیش کرتی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں