گلاسگو کے گردوارے میں سکھ مظاہرین نے بھارت کے ایک اعلیٰ سفارت کار کو اندر جانے سے روک دیا۔

برطانوی خبر رساں ادارے کی خبر کے مطابق بھارتی ہائی کمیشن نے کہا کہ وکرم ڈورائی سوامی کو کمیونٹی اور قونصلر امور پر تبادلہ خیال کرنے کے لئے عبادت گاہ میں مدعو کیا گیا تھا، لیکن وہاں موجود سکھوں کے ہجوم نے انہیں اندر جانے سے روک دیا۔

رپورٹس کے مطابق جمعے کے روز سکھوں کے ایک چھوٹے سے مجمعے نے بھارتی سفارت کار کو گردوارے کے پاس دیکھ کر انہیں روکنے کی کوشش کی جس کے بعد وہ وہاں سے واپس چلے گئے۔

بعد ازاں سکھ نوجوانوں کے ایک گروپ نے دعویٰ کیا کہ بھارتی حکام کے گردواروں میں جانے پر طویل عرصے سے پابندی ہے۔

یہ تصادم ایک بین الاقوامی تنازعہ کے بعد ہوا ہے جس میں کہا گیا تھا کہ بھارتی خفیہ ایجنسی کے ایجنٹوں نے کینیڈا میں ایک سکھ علیحدگی پسند رہنما کو قتل کیا تھا۔

واضح رہے کہ کینیڈا کے وزیر اعظم جسٹن ٹروڈو نے کہا تھا کہ جون میں برٹش کولمبیا میں ہردیپ سنگھ نجار کو گولی مار کر ہلاک کرنے میں بھارت کے ملوث ہونے کے “قابل اعتماد ثبوت” موجود ہیں۔

گلاسگو میں یہ واقعہ اسکاٹ لینڈ میں بھارت کے ہائی کمشنر ڈورائی سوامی کی متعدد مصروفیات کے دوران پیش آیا، جس کے بعد سفارت کار کو وہاں سے بھگا دیا گیا۔

نیشنل سکھ یوتھ فیڈریشن کی جانب سے جاری ایک بیان میں کہا گیا کہ تینوں کارکنوں نے بھارتی عہدیداروں کے سرکاری حیثیت میں گردواروں میں جانے پر طویل عرصے سے عائد پابندی کو برقرار رکھا ہے۔

سکھ تنظیم کا کہنا ہے کہ گردواروں میں بھارتی سفارت کاروں کی پابندی طویل عرصے سے عائد ہے جس سے بھارتی حکومت بھی آگاہ ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں