اسرائیل نے اپنے شہریوں پر زور دیا ہے کہ وہ فوری طور پر مصر اور اردن چھوڑ دیں کیونکہ غزہ میں جنگ کے بعد علاقائی کشیدگی میں اضافہ ہوا ہے۔

عرب میڈیا کے مطابق اسرائیل کی قومی سلامتی کونسل نے مصر (بشمول سینا) اور اردن کے لیے اپنی سفری وارننگ کو لیول 4 (انتہائی خطرہ) تک بڑھا دیا ہے۔

اسرائیلی حکومت نے مصر اور اردن کا سفر نہ کرنے اور وہاں رہنے والوں کو ملک چھوڑنے کی سفارش کی ہے اور شہریوں کو کہا ہے کہ جلد از جلد وہاں سے انخلا کو ممکن بنائیں۔

یہ نوٹس ایسے وقت میں سامنے آیا ہے جب چند روز قبل اسرائیل نے اپنے شہریوں کو ترکی چھوڑنے کی درخواست کے بعد سیکیورٹی احتیاط کے طور پر ترکی سے اپنے سفارت کاروں کو واپس بلا لیا تھا۔

انخلا کا یہ مطالبہ غزہ کی پٹی پر اسرائیل کی بمباری کے خلاف مشرق وسطیٰ میں کئی روز سے جاری مظاہروں کے بعد سامنے آیا ہے۔

اسرائیلی حکام کے مطابق یہ جنگ اس وقت شروع ہوئی جب حماس کے عسکریت پسندوں نے غزہ کی پٹی سے اسرائیل میں گھس کر 200 سے زائد افراد کو یرغمال بنا لیا اور کم از کم 1400 افراد کو ہلاک کر دیا.

حماس کے زیر انتظام وزارت صحت کے مطابق اس کے بعد سے اسرائیل نے حماس کو تباہ کرنے کا عزم کیا ہے اور اس کے جواب میں شروع کی گئی بمباری کی مہم نے غزہ کے پورے شہر میں عمارتوں کو کھنڈر بنا دیا ہے۔

عرب میڈیا کے مطابق اسرائیلی بمباری کے نتیجے میں اب تک 4،137 فلسطینی شہید ہو چکے ہیں، جن میں زیادہ تر عام شہری ہیں۔

حماس نے گزشتہ روز انسانی ہمدردی کی بنیاد پر یرغمال بنائی گئی ماں اور اس کی بیٹی کو رہا کر دیا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں