برازیل اور الہلال کے فارورڈ نیمار نے بین الاقوامی ڈیوٹی کے دوران بائیں گھٹنے میں لگی چوٹ کی سرجری کرانے کا فیصلہ کیا ہے۔

برطانوی خبر رساں ادارے کی خبر کے مطابق برازیلین فارورڈ نیمار منگل کو یورا گوئے کے ہاتھوں 2-0 کی شکست کے دوران اسٹریچر پر میدان سے باہر لایا گیا تھا۔

نیمار نے انسٹاگرام پر لکھا کہ یہ میرے لیے بدترین اور افسوسناک وقت ہے، میں جانتا ہوں کہ مضبوط ہوں لیکن اس بار مجھے اپنے خاندان اور دوستوں کی مدد کی ضرورت پڑے گی۔

یہ واضح نہیں ہے کہ نیمار کب تک باہر رہیں گے لیکن گھٹنے کی انجری سے صحت یابی کے لئے معمول کی پیشگوئی 8 سے 10 ماہ تک ہوسکتی ہے۔

برازیل کی فٹبال کنفیڈریشن کے صدر ایڈنالو روڈریگز نے ایک بیان میں کہا کہ برازیل اور عالمی فٹ بال کو نیمار کو صحت مند اور صحت یاب ہونے کی ضرورت ہے کیونکہ جب وہ میدان میں ہوتے ہیں تو فٹ بال شائقین زیادہ خوش ہوتے ہیں۔

پیرس سینٹ جرمین (پی ایس جی) سے موسم گرما میں سعودی عرب منتقل ہونے والے برازیل کے لیے سب سے زیادہ گول کرنے والے کھلاڑی حالیہ برسوں میں انجری کا شکار ہیں۔

نیمار گزشتہ سال سربیا کے خلاف برازیل کے افتتاحی میچ میں زخمی ہونے کی وجہ سے قطر میں ہونے والے ورلڈ کپ کے دو میچوں میں حصہ نہیں لے سکے تھے۔

نیمار ٹخنے کی مختلف چوٹوں کی وجہ سے پی ایس جی کے ساتھ اپنے پچھلے دو سیزن کے کئی ماہ تک باہر رہے تھے اور فروری میں ٹخنے کی سرجری کی وجہ سے وہ میدان میں اترنے کے قابل نہیں تھے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں