سابق وزیرداخلہ رانا ثنا اللہ کا کہنا ہے کہ مایوسی میں نوازشریف امید کی کرن بن کر آرہے ہیں۔

مسلم لیگ ن کے سینئر رہنما و سابق وفاقی وزیرداخلہ رانا ثنا اللہ نے بول نیوز سے گفتگو کرتے ہوئے کہا کہ ملک میں سیاسی اور معاشی عدم استحکام ہے، 2017 میں سازش کے تحت فتنے کو لانے کیلئے حالات پید ا کیے گئے۔

راناثنا اللہ نے کہا کہ مایوسی میں نوازشریف امید کی کرن بن کر آرہے ہیں، لاہورمیں تاریخ کا سب سے بڑا اجتماع ہوگا، پنجاب بھر سے قافلے لاہورپہنچ رہے ہیں۔ قریبی اضلاع سے قافلے 12 بجے روانہ ہو جائیں گے۔

اس حوالے سے رہنما ن لیگ عظمٰی بخاری نے بھی بول نیوزسے گفتتگو کی، کہا کہ لوگوں کویقین ہے نوازشریف کے آنےسےحالات بدلیں گے، بڑے پروگرام کےلیے انتظامات بھی بڑے ہوں گے۔

واضح رہے کہ ایف زیڈ 4525 دوبئی سے ڈیڑھ گھنٹہ تاخیرسے روانہ ہوئی، فلائی دوبئی کا خصوصی طیارہ اب 2بجے دن اسلام آباد پہنچے گا۔ اسلام آباد میں ایک گھنٹا قیام کے بعد خصوصی پروازقائد مسلم لیگ ن نواز شریف کو لے کرلاہورکے لیے روانہ ہوگی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔