اسرائیل کے وزیر دفاع یوواگیلنٹ نے حماس کو دھمکی دیتے ہوئے کہا ہے کہ وہ ہتھیار ڈال دے یا پھر مرنے کے لیے تیار ہو جائے۔
عالمی خبر رساں ادارے کی خبر کے مطابق اسرائیلی کے وزیر دفاع یوواگیلنٹ کا کہنا ہے کہ حماس کے پاس صرف دو ہی راستے ہیں یا تو وہ غیر مشروط ہتھیار ڈال دے یا پھر مرنے کے لیے تیار ہو جائے۔
غزہ سے موصول ہونے رپورٹس کے مطابق اسرائیل کے سفاکانہ اور وحشیانہ حملوں میں شہید ہونے والوں میں سب سے زیادہ تعداد بچوں اور خواتین کی ہے۔
اسرائیلی وزیر دفاع یووا گیلنٹ اپنے ملک کی بربریت کے باوجود بڑی ڈھٹائی کے ساتھ غزہ میں حملے جاری رکھنے کا اعادہ کر رہے ہیں اور ان کا دعویٰ ہے کہ وہ حماس کو صفحہ ہستی سے مٹا کر دم لیں گے.
اسرائیلی وزیر دفاع اپنے وزیر اعظم کی زبان بول رہے ہیں جنہوں نے 7 اکتوبر کو غزہ پر بمباری شروع کرتے ہوئے کہے تھے، اسرائیلی وزیراعظم نیتن یاہو نے حماس کو ختم کرنے پہلے جنگ ختم نہ کرنے کا اعلان کیا تھا۔
ہر روز غزہ پر آسمان سے بموں کی برسات ہو رہی ہے لیکن اس کے باوجود حماس کے جانباز اسرائیلیوں کے سامنے سینہ سپر کئے کھڑے ہیں۔
اسرائیل کی بری فوج کے ٹینکوں نے جب غزہ میں داخل ہونے کی کوشش کی تو حماس کے جانباز ان پر قہر بن کر ٹوٹ پڑے، حماس کے جانبازوں نے نہ صرف ٹینکوں کو واپس جانے پر مجبور کیا بلکہ 15 اسرائیلی فوجیوں کو جہنم واصل کیا۔
عالمی خبر رساں ادارے کی رپورٹس کے مطابق 7 اکتوبر سے اب تک اسرائیلی بمباری میں 9 ہزار سے زائد فلسطینی شہید ہو چکے ہیں جبکہ زخمیوں کی تعداد 22 ہزار کو تجاوز کر چکی ہے۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
