فیڈرل بورڈ آف ریونیونے رینجرز اور ایف سی کو اسمگلنگ کو روکنے کے اختیارات تفویض کرتے ہوئے باضابطہ نوٹیفکیشن جاری کردیا۔
پاکستان میں اسمگلنگ کے خلاف کارروائیاں کرنے کا اختیارصرف پاکستان کسٹمزکے پاس تھا، ایف سی اور رینجرز بین الصوبائی مشترکہ چیک پوسٹس پرضروری اشیا کی اسمگلنگ روکنے کے مجاز ہوں گے۔
نوٹیفکیشن کے مطابق ڈیوٹی پرتعینات نیم فوجی اہلکار چیک پوسٹوں پرآٹا، گندم، چینی اورکھاد کی اسمگلنگ کو روکیں گے، ایف سی اوررینجرز بین الاقوامی سرحد کے پچاس کلومیٹر کے اندرعلاقوں کی نگرانی کریں گے۔
ایف سی اور رینجرز اہلکار بین الصوبائی مشترکہ چیک پوسٹس و مشترکہ چیک پوسٹس پر بھی ڈیوٹی دیں گے، ایف سی اور رینجرز اہلکار شہری علاقوں، کسٹمز ایریاز و اسٹیشنز اور پورٹس پر نگرانی کرنے کے مجاز نہیں ہونگے۔
نیم فوجی اہلکاربارڈرکسٹمز اسٹیشنز، بین الاقوامی ائیرپورٹس اور بانڈڈ وئیرہاوسز پر بھی تعینات نہیں ہوںگے۔ ایف سی و رینجرز اہلکار صرف افغان سرحد کے قریبی شہری علاقوں میں کارروائیاں کرنے کے مجاز ہونگے۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔
ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News