شیخ رشید کا کہنا ہے کہ میں نےہمیشہ گیٹ نمبر4 کا ساتھ دیا لیکن مجھے نظرلگ گئی۔ نوازشریف کو کب نظر لگتی ہے اس کا میں انتظار کروں گا۔

لاہورہائی کورٹ راولپنڈی بنچ میں رٹ دائرکرنے کے موقع پرمیڈیا سے گفتگو کرتے ہوئے سابق وفاقی وزیرشیخ رشید نے کہا کہ میرا خیال ہے کہ کیسسزصورت سے زیادہ ہی ہو گئے ہیں، میری درخواست ہے کہ میرے خلاف جو بھی کیس ہے اس کا مجھے پتہ ہو۔

شیخ رشید نے کہا کہ چلّے کے دوران میرے خلاف ایسے شہروں میں مقدمات درج ہوئے جہاں میں کبھی گیا ہی نہیں، ہارتا وہ ہے جو ہارمانتا ہے، اللہ سے مدد کی امید ہے۔ جو ہار نہیں مانتا اللہ اس کی مدد کو آتا ہے۔ لوگ کہتے ہیں کہ آپ سیاست نہیں کرتے جس دن الیکشن شیڈول آئے گا اس دن ہم ہی سیاست کریں گے۔

عوامی مسلم لیگ کے سربراہ نے کہا کہ کسی کو سمجھ نہیں آ رہی کہ ملکی سیاست کس طرف جارہی ہے، میں نے میڈیا پر پڑھا ہے کہ 15 تاریخ کو سپریم کورٹ نے نوٹس لیا ہے لیکن مجھے ملا نہیں۔ میں کہتا ہوں الیکشن سیاسی جماعتوں کے درمیان ہونے چاہییں۔ فیصلہ عوام نے کرنا ہے، عوام سیاست دانوں سے زیادہ سمجھ دار ہیں۔

شیخ رشید نے کہا کہ پاکستان میں دو ہی لوگ خاموش ہیں یا نواز شریف یا میں ہوں، 21 کو نواز شریف واپس آیا اور 22 کو میں واپس آیا۔ میں نے ہمیشہ گیٹ نمبر4 کا ساتھ دیا لیکن مجھے نظر لگ گئی، نوازشریف کو کب نظر لگتی ہے اس کا میں انتظار کروں گا۔

دوسری جانب لاہورہائی کورٹ راولپنڈی بنچ نے شیخ رشید احمد کی پٹیشن کے تمام اعتراضات ختم کرکےنمبرلگا کرفکس کرنیکا حکم دے دیا۔

ہائی کورٹ راولپنڈی بینچ کے جج جسٹس چودہری عبدالعزیزنے اعتراضات ختم کیے، ہائی کورٹ آفس نے ڈاکومنٹس کی کمی کے اعتراضات کیے تھے۔

شیخ رشید احمد کی جانب سے سردار عبدالرزاق خان اور سردار شہباز خان ایڈووکیٹ نےعدالت میں رٹ دائرکی۔

اگرآپ حالاتِ حاضرہ سے باخبر رہنا چاہتے ہیں تو ہمارےفیس بک پیج  https://www.facebook.com/BOLUrduNews/ کولائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔