وزیراعظم انوارالحق کاکڑ نے کہا ہے کہ ہم غزہ کے سامنے شرمندہ ہیں، فلسطین کے معاملے پرافسوس ہے، میں خود کو بے بس محسوس کررہاہوں۔

نگراں وزیراعظم انوارالحق کاکڑ نے بچوں کے عالمی دن کے موقع پرتقریب سے خطاب کرتے ہوئے کہا کہ فلسطین میں جاری اسرائیلی بربریت فوری ختم ہونی چاہیے، اقوام متحدہ انسانی حقوق کے معاملےپراپنے مقاصد سےہٹ رہی ہے۔

انوارالحق کاکڑنے کہا کہ دنیا بھرکے لوگ فلسطین میں مظالم پر احتجاج کررہےہیں، غزہ میں انسانی حقوق کی بدترین خلاف ورزی جاری ہے، غزہ میں اسرائیلی حملوں میں شہید بچوں کی تعداد زیادہ ہے، ہم غزہ میں فلسطینی بچوں کا ہولوکاسٹ دیکھ رہے ہیں۔

نگراں وزیراعظم نے کہا کہ اس وقت غزہ کے بچے ہمارے ذہنوں میں ہیں، جوظلم فلسطین میں ہورہا ہے اس کا تعلق کسی مذہب سے نہیں، ہم غزہ کے سامنے شرمندہ ہیں، فلسطین کے معاملے پرافسوس ہے کہ میں خود کو بے بس محسوس کررہاہوں۔  پیشہ ورفوجیں بچوں کا قتل عام نہیں کرتیں۔

نگراں وزیراعظم نے”زاراالرٹ ایپ”کااجراکرتے ہوئے کہا کہ زاراالرٹ ایپ کا اجرا بچوں کے حقوق کےتحفظ کےلیے ہے، حکومت بچوں کے حقوق کے تحفظ کےلیے پرعزم ہے، تمام طبقات کی ذمہ داری ہے کہ بچوں کی بہتری کےلیے کام کریں۔

انوارالحق کا کہنا تھا کہ بچے ہمارے ملک کا مستقبل ہیں، تمام بچوں کو معاشرے میں یکساں مواقع ملنا ضروری ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/  کولائک کریں۔ ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔