پاکستان کرکٹ ٹیم کے افتتاحی بلے باز فخر زمان نے آئی سی سی ون ڈے ورلڈ کپ 2023 میں پاکستان کے لیے تیز ترین سنچری کا ریکارڈ بنا ڈالا۔

تفصیلات کے مطابق بھارت کے شہر بنگلورو کے ایم چنا سوامی اسٹیڈیم میں ورلڈ کپ 2023 کے اہم میچ میں پاکستانی اوپنر فخر زمان نے نیوزی لینڈ کے خلاف 63 گیندوں پر سنچری مکمل کی.

اس میچ میں نیوزی لینڈ کے 401 رنز کے جواب میں پاکستان کو جیت کے ساتھ ساتھ برق رفتار رن ریٹ کی بھی ضرورت تھی جس کے لیے فخر زمان نے اپنا کردار بھرپور انداز میں ادا کیا۔

فخر زمان نے اپنی برق رفتار سنچری کے لیے صرف 63 گیندوں پر 9 بلند و بالا چھکے اور 7 چوکوں کی مدد لی، وہ 81 گیندوں پر 126 رنز پر ناقابل شکست رہے۔

واضح رہے کہ اسی ورلڈ کپ میں آسٹریلیا کے لیے گلین میکسویل نے یہ کارنامہ 40 گیندوں پر انجام دیا تھا۔

پروٹیز کے مارکرام نے 49 گیندوں پر اپنے ملک کے لیے سنچری اسکور کی۔

آسٹریلیا کے ٹریوس ہیڈ اس ورلڈ کپ میں 59 گیندوں میں سنچری بنا چکے ہیں، جبکہ جنوبی افریقہ کے ہینرچ کلاسن بھی اس دوڑ میں چوتھے نمبر پر جنہوں نے 61 گیندوں پر سو رنز مکمل کئے تھے۔

میچ بارش کی وجہ سے روکا گیا تھا، کھیل جب دوبارہ شروع ہوا تو 24 گیندوں کے بعد گہرے سیاہ بادلوں نے گراؤنڈ کو گھیر لیا اور میچ دوبارہ روک دیا گیا۔

امپائرز نے ڈی ایل ایس میتھڈ کے تحت پاکستانی ٹیم کو فاتح قرار دے دیا، کیونکہ پاکستان نے میچ روکے جانے کے وقت 21 رنز نیوزی لینڈ سے زیادہ بنائے تھے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں