نگراں وزیرداخلہ سرفرازبگٹی کا کہنا ہے کہ جو لوگ کارڈ پرپاکستان آتے جاتے ہیں وہ پاسپورٹ پر آجائیں، ہم صرف یہی چاہتے ہیں۔

سینیٹ کی قائمہ کمیٹی برائے داخلہ کے اجلاس میں نگراں وفاقی وزیرداخلہ سرفرازبگٹی نے کہا ہے کہ پرسوں جو بنوں کا دھماکا ہوا ہے وہ افغانستان سے تذکرے پرآنے والے نے کیا ہے۔ جو لوگ کارڈ پرآتے جاتے ہیں وہ پاسپورٹ پر آجائیں ہم صرف یہی چاہتے ہیں۔

وزیرداخلہ نے کہا کہ کوئی ملک کیا، کھلے عام بارڈرسب کے لیے کھولا جاسکتا ہے، اگربغیرویزہ کے حج عمرہ نہیں ہوسکتا تو پاک افغان آنے جانے والوں کو ویزہ کے بغیرکیسے چھوڑیں۔ ہم کوئی درمیانی راستہ نکالیں گے۔

وزیر داخلہ سرفراز بگٹی نے کہا کہ دنیا اتنی ظالم ہے کہ کشتی ڈوبنے دی ہم تو صرف ویزہ پرآنے کی اجازت دے رہے ہیں، چالیس ارب روپے بجلی کے لیے ہیں، چمن میں جتنا پیسہ ہے اتنا پورے بلوچستان میں نہیں ہے۔ چمن کی آبادی چارلاکھ ہے اور کہتے ہیں تین لاکھ احتجاج پر بیٹھے ہیں۔

اس سے قبل سینیٹ کی قائمہ کمیٹی برائے داخلہ کے اجلاس میں متاثرین چمن نے بتایا کہ چمن بارڈر کے ساتھ بارہ سو فٹ نیچے ہے، صرف دو گھنٹے بجلی آتی ہے، بارہ سو دکانیں چمن کے دوسری طرف ہیں جہاں ہمارے لوگوں کا کاروبار ہے۔

چمن کے متاثرین کا کہنا تھا کہ جب نیٹواورطالبان لڑائی تھی تو ہمارے لوگ شناختی کارڈ اور تذکرے پرآتے جاتے تھے اب باڑ لگ گئی ہے تو ریگولیٹ کرلیا جائے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/  کولائک کریں۔ ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔