چین کے سربراہ ژی جن پنگ ایپک سربراہ اجلاس میں شرکت کے لیے امریکہ کے شہر سان فرانسسکو پہنچ گئے ہیں۔

عالمی خبر رساں ادارے کی خبر کے مطابق چین کے صدر ژی جن پنگ اپنے امریکہ کے دورے میں ایپک سربراہ اجلاس میں شرکت کریں گے اور امریکی ہم منصب جو بائیڈن سے ملاقات کریں گے۔

چین کے صدر ژی جن پنگ کو خوش آمدید کہنے کے لیے امریکی وزیر خزانہ اور کیلی فورنیا کے گورنر ایئرپورٹ پر موجود تھے۔

رپورٹس کے مطابق یہ دوسرا موقع ہے جب امریکی صدر جو بائیڈن اور چین کے صدر ژی جن پنگ ملاقات کریں گے، دونوں رہنماؤں کے درمیان ایک سال قبل بالی میں ملاقات ہوئی تھی۔

مبصرین کا کہنا ہے کہ اسرائیل کی غزہ پر وحشیانہ بمباری سے ہزاروں افراد کی ہلاکت کے بعد دونوں رہنماؤں کی ملاقات نہایت اہم ہے۔

رواں برس امریکہ میں ہونے والا ایپک کا اجلاس بھی خصوصی اہمیت کا حامل ہے، جس میں تمام رکن ممالک معاشی و تجارتی خودمختاری پر زور دیا گیا ہے۔

ایپک تنظیم 21 ممالک پر مشتمل ہے جس کا اجلاس 3 روز تک امریکی شہر سان فرانسسکو میں جاری رہے گا، آج 15 نومبر کو ایپک سربراہ اجلاس کا پہلا دن ہے۔

ایپک سربراہ اجلاس میں رکن ممالک کے سربراہان اور اعلی نمائندے شرکت کر رہے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں