متحدہ عرب امارات میں کام کرنے والے بھارتی شہر کیرالہ کے رہائشی شخص نے دبئی میں کروڑوں کی لاٹری جیت لی۔

بھارتی میڈیا کے مطابق متحدہ عرب امارات میں کنٹرول روم آپریٹر کے طور پر کام کرنے والے کیرالہ کے ایک شخص نے لاٹری میں 2 کروڑ درہم کی لاٹری جیت لی۔

کیرالہ سے تعلق رکھنے والی 39 سالہ سریجو گزشتہ 11 سال سے دبئی سے تقریبا 120 کلومیٹر مشرق میں واقع فجیرہ میں رہ رہے ہیں اور کام کر رہے ہیں۔

متحدہ عرب امارات کے مختلف شہروں میں رہنے والے کم از کم پانچ بھارتیوں کے لئے یہ ایک خواب کی تعبیر تھا جب انہوں نے یا تو ہفتہ وار قرعہ اندازی یا لاٹری جیتی۔

جس میں سے تازہ ترین ایک کنٹرول روم آپریٹر تھا جس نے 2 کروڑ درہم تقریباً 90 کروڑ بھارتی روپے کی خطیر رقم جیتی۔

بھارتی جن میں سے زیادہ تر متوسط طبقے یا نچلے متوسط طبقے سے تعلق رکھتے ہیں، ان لاٹریوں میں بڑی تعداد میں حصہ لے رہے ہیں، اور ان میں سے ایک بڑی تعداد نے پچھلے کچھ سالوں میں بڑی رقم جیتی ہے۔

تیل اور گیس کی صنعت میں کنٹرول روم آپریٹر کی شناخت سریجو کے طور پر کی گئی ہے ، جس نے ہفتہ کو منعقدہ 154 ویں قرعہ اندازی کے اعلان کے مطابق 2 کروڑ درہم (تقریبا 90 کروڑ بھارتی روپے) کا بڑا انعام جیتا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں