لاہورہائیکورٹ نےسموگ تدارک کےکیس میں چھ اضلاع کےڈپٹی کمشنرزکو تبدیل کرنے کے فیصلے پرعمل درآمد رپورٹ طلب کر لی۔ 

جسٹس شاہد کریم نےکیس کی سماعت کرتے ہوئے جمعہ اورہفتہ کو تمام پرائیویٹ سکول اور کالجز بند کرنے کاحکم دے دیا اور استفسارکیا کہ ڈپٹی کمشنرزکے تبادلوں کا کیا بنا؟

وکیل پنجاب حکومت نے بتایا کہ نگران وزیراعلی نے جمعہ کے روز پانچ بجے کابینہ کا اجلاس رکھا ہے جس پرعدالت نے کہا کہ   کابینہ کا اجلاس جمعہ کے روز پانچ بجے سے پہلے یا بعد میں کرلیں۔

جسٹس شاہد کریم نے کہا کہ اسکول کے بچوں کو کمیونٹی سروس کے طورپرسڑکوں سے کوڑا اٹھانے کیلئے لگایا جائے۔

ممبرماحولیاتی کمیشن نے بتایا کہ جھنگ، ننکانہ صاحب، شیخوپورہ میں فصلوں کو جلانے سے سموگ بڑھ رہی ہے، جبکہ جسٹس شاہد کریم نے کہا کہ سرگودھا اورفیصل آباد میں سموگ زیادہ ہے۔

وکیل ایل ڈی اے صاحبزادہ مظفر نے بتایا کہ کم تنخواہ دارطبقہ کیلئے الیکٹرک سائیکلیں دینے کی سفارش کی ہے، ایل ڈی اے، واسا، ایل ڈبلیو ایم سی، ٹیپا کے کم تنخواہ دارملازمین کوسائیکل پرآنے کیلئے راغب کیا جائے گا۔  سائیکل کرائے پردینے کا پلان بھی کررہے ہیں۔

ماحولیاتی کمیشن نے کہا کہ ہم نے سارے ڈی سیزکو کہا ہے کہ جو سپارکو کا ڈاٹا ان سے شئیر کیا جاتا ہے، اس کی وضاحت کریں۔

جسٹس شاہد کریم نے ریمارکس دیے کہ فصلوں کی باقیات جلانے کے معاملے میں لاہورکافی بہتررہا ہے، سائیکلیوں کو الیکٹرانک بائیک میں تبدیل کیا جاسکتا ہے، ترقیاتی منصوبے کب مکمل ہوں گے؟

وکیل کمشنرلاہورنے بتایا کہ قصورمیں ایک منٹ میں ایک لاکھ پودے لگائے جائیں گے جس پرعدالت نے کہا کہ لاہوراوردیگرعلاقے کوڑا کرکٹ سے بھرے پڑے ہیں۔ اسکول کے بچوں کو اس حوالے شامل کریں کہ وہ ہفتہ، اتوار والے دن یہ کوڑا اٹھائیں۔

ممبرماحولیاتی واٹرکمیشن نے کہا کہ دھواں چھوڑنے والی گاڑیوں کو پنجاب بھر میں جرمانے کا دائرہ کار بڑھایا جائے گا، لاہورکے علاوہ دیگر شہروں میں دھواں چھوڑنے پرصرف 750 روپے جرمانہ ہے۔

جسٹس شاہد کریم نے کہا کہ سموگ صرف لاہورنہیں پورے پنجاب کا ایشو ہے۔ اس کے ساتھ ہی عدالت نے کیس کی مزید سماعت 17 نومبر تک ملتوی کردی۔

اگرآپ حالاتِ حاضرہ سے باخبر رہنا چاہتے ہیں تو ہمارےفیس بک پیج  https://www.facebook.com/BOLUrduNews/ کولائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔