آئی سی سی ون ڈے ورلڈ کپ کے میچ میں آسٹریلیا نے گلین میکسویل کی شاندار بیٹنگ کی بدولت افغانستان کو 3 وکٹوں سے شکست دے دی۔

تفصیلات کے مطابق افغانستان کے 291 رنز کے جواب میں آسٹریلیا کے 7 کھلاڑی 91 رنز پر پویلین لوٹ چکے تھے، مگر گلین میکسویل نے ہمت نہ ہاری اور ٹیم کو کامیابی دلا دی۔

افغانستان کے 291 رنز کے جواب میں آسٹریلیا کی اننگ کا آغاز مایون کن تھا، ان فارم ڈیوڈ وارنر 18 اور ٹریوس ہیڈ 18 رنز پر پویلین واپس لوٹ گئے۔

مچل مارش 24 اور مارنس لبوشین 14 رنز بنا سکے، جبکہ جوش انگلس 0، مارکس اسٹوئنس 6 اور مچل اسٹارک کی اننگ 3 رنز سے آگے نہ بڑھ سکی۔

91 رنز پر 7 کھلاڑی آؤٹ ہونے کے بعد افغانستان کی جیت کے امکانات کافی بڑھ چکے تھے، ایسے میں گلین میکسویل نے کپتان پیٹ کمنز کے ساتھ آسٹریلوی اننگ کی کمانڈ سنبھالی۔

گلین میکسویل اور پیٹ کمنز نے آٹھویں وکٹ کی شراکت میں ریکارڈ 202 رنز شراکت قائم کی۔

گلین میکسویل نے 128 گیندوں پر ناقابل شکست 201 رنز کی ریکارڈ ساز تاریخی اننگ کھیلی، ان کی اس اننگ میں 10 چھکے اور 21 چوکے شامل تھے۔

گلین میکسویل کا ساتھ دینے والے کپتان پیٹ کمنز نے 68 گیندوں پر صرف 12 رنز بنائے۔

افغانستان کی جانب سے نوین الحق، عظمت اللہ عمر زئی اور راشد خان نے 2، 2 وکٹیں حاصل کیں۔

تفصیلات کے مطابق آئی سی سی ون ڈے ورلڈ کپ 2023 کے میچ میں افغانستان نے آسٹریلیا کے خلاف مقررہ 50 اوورز میں 5 وکٹوں کے نقصان پر 291 رنز بنا لیے ہیں۔

ممبئی کے وانکھیڈے اسٹیڈیم میں افغانستان نے ٹاس جیت پہلے بیٹنگ کا فیصلہ کیا، رحمان اللہ گرباز اور ابراہیم زردان نے افغانی اننگ کا آغاز کیا۔

رحمان اللہ گرباز 38 کے مجموعی اسکور پر 21 رنز بنا کر آؤٹ ہو گئے، جبکہ ابراہیم زردان نے شاندار سنچری اسکور کی۔

ابراہیم زردان کی 129 رنز کی اننگ میں 8 چوکے اور 3 چھکے شامل تھے۔

رحمت شاہ 30 رنز بنا کر آؤٹ ہوئے، جبکہ کپتان عظمت اللہ عمرزئی نے 22 اور محمد نبی نے 12 رنز بنائے۔

آخری اوورز میں راشد خان کی جارحانہ اننگ نے افغانستان کو مستحکم کرنے میں اہم کردار ادا کیا۔ انہوں نے 18 گیندوں پر 3 چھکے اور 2 چوکوں کی مدد سے 35 رنز بنائے۔

آسٹریلیا نے اس میچ میں 7 بولرز کی مدد لی، جوش ہیزل ووڈ نے 2 اور مچل اسٹارک، گلین میکسویل اور ایڈم زمپا نے 1،1 کھلاڑی کو آؤٹ کیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں