آئی سی سی انڈر 19 کرکٹ ورلڈ کپ 2024 کے 15 ویں ایڈیشن کے لیے آئی سی سی بورڈ نے نئے میزبان ملک کا اعلان کردیا۔

تفصیلات کے مطابق آئی سی سی کے ترجمان کے مطابق انڈر 19 کرکٹ ورلڈ کپ 2024 جنوری میں ہو گا، لیکن اس کی میزبانی سری لنکا کے بجائے جنوبی افریقہ کرے گا۔

سری لنکا کرکٹ (ایس ایل سی) کو حال ہی میں آئی سی سی نے رکن کی حیثیت سے اپنی ذمہ داریوں کی خلاف ورزی کرنے پر معطل کر دیا تھا، آئی سی سی کا کہنا ہے کہ سری لنکن کرکٹ بورڈ اپنے معاملات کو خود مختار طریقے سے اور حکومتی مداخلت کے بغیر سنبھالنے میں ناکام رہا ہے۔

آئی سی سی کے بورڈ اجلاس کے بعد یہ بات سامنے آئی کہ سری لنکا دو طرفہ کرکٹ اور آئی سی سی ایونٹس دونوں میں بین الاقوامی سطح پر مقابلہ جاری رکھ سکتا ہے.

تاہم سری لنکن کرکٹ بورڈ کو فنڈنگ آئی سی سی کنٹرول کرے گی اور اس کے نتیجے میں انڈر 19 ایونٹ کو اسی ملک منتقل کردیا گیا ہے جس نے رواں سال کے اوائل میں ویمنز انڈر 19 ٹی 20 ورلڈ کپ کی میزبانی کی تھی۔

2022 میں ویسٹ انڈیز میں ہونے والے آخری ٹورنامنٹ کے بعد آئندہ ورلڈ کپ انڈر 19 مینز ایونٹ کا 15 واں ایڈیشن ہے جہاں بھارت نے پانچویں بار ٹائٹل جیتا تھا۔

بھارت کو ٹرافی حاصل کرنے کے لئے 10 دیگر ٹیموں کے ساتھ اپنی بہترین کارکردگی کا مظاہرہ کرنا ہوگا۔

ٹورنامنٹ کا ایک نظر ثانی شدہ فارمیٹ متعارف کرایا گیا ہے جس میں گروپ مرحلے کے بعد ایک نیا سپر سکس مرحلہ شامل ہے تاکہ سیمی فائنل میں پہنچنے والی ٹیموں کا تعین کیا جاسکے۔

ایونٹ میں حصہ لینے والی 16 ٹیموں کو چار گروپوں میں تقسیم کیا گیا ہے۔ دفاعی چیمپئن بھارت کے علاوہ گروپ اے میں بنگلہ دیش، آئرلینڈ اور امریکہ شامل ہیں۔

گروپ بی میں انگلینڈ، جنوبی افریقہ، ویسٹ انڈیز اور اسکاٹ لینڈ شامل ہیں۔

گروپ سی میں آسٹریلیا، سری لنکا، زمبابوے اور نمیبیا جبکہ گروپ ڈی میں افغانستان، پاکستان، نیوزی لینڈ اور نیپال شامل ہیں۔

جنوری میں شروع ہونے والا یہ ٹورنامنٹ 41 میچوں پر مشتمل ہوگا جس کا فائنل فروری میں کھیلا جائے گا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں