اسلام آباد ہائیکورٹ کے رجسٹرارآفس نے27 نومبرکو نوازشریف کی پیش کے سلسلے میں قواعد و ضوابط سے متعلق سرکلر جاری کردیا۔

سابق وزیراعظم نوازشریف کی ایون فیلڈ اورالعزیزیہ ریفرنسز میں سزا کیخلاف اپیلوں پرپیشی کے دوران قواعد و ضوابط سے متعلق سرکلر جاری کیا جس کے مطابق چیف جسٹس عامر فاروق، جسٹس میاں گل حسن اورنگزیب 27 نومبرکو اپیلوں پرسماعت کریں گے، آئی جی اسلام آباد نوازشریف کی پیشی کے موقع پر مناسب سیکیورٹی انتظامات کو یقینی بنائیں۔

رجسٹرآفس ہائی کورٹ کے جاری سرکلرکے ملطابق کمرہ عدالت نمبر ایک میں داخلہ رجسٹرار آفس کی جانب سے جاری سیکیورٹی پاسزسے مشروط ہوگا، نوازشریف کی قانونی ٹیم کے 15 وکلا کو کمرہ عدالت میں داخلے کی اجازت ہوگی۔

 سرکلرمیں یہ بھی کہا گیا کہ اٹارنی جنرل اورایڈووکیٹ جنرل کے 5، 5 سرکاری وکلاء کو کمرہ عدالت میں داخلے کی اجازت ہوگی،  اسلام آباد ہائیکورٹ جرنلسٹ ایسوسی ایشن کے 30 صحافیوں کو کمرہ عدالت میں داخلے کی اجازت ہوگی جبکہ اسلام آباد ہائیکورٹ کے ملازمین ان انٹری پاسزسے مستثنیٰ ہوں گے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/  کولائک کریں۔ ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔